દુર્લભ પ્રાણી કીડીખાવ માળીયા હાટીનામાં જોવા મળ્યું

પેંગોલીનના નામથી ઓળખાતું આ પ્રાણી ગીરના જંગલનું પણ નજરાણુ છે

લુપ્ત થતી પ્રજાતિમાંનું એક અને દુનિયા નું સૌથી દુર્લભ પ્રાણી કીડી ખાવ માળીયા હાટીના પંથક માં દેખાયું હતું પેંગોલીન ના નામે ઓળખાતું આ પ્રાણી ગીરના જંગલનું પણ નજરાણું છે અને તે માળિયાના ખેર ગામે ચીનાભાઈ રાઠોડ ની વાડી મા આવી ચડયું હતું, જોકે ખેડૂતે આ વિચિત્ર પ્રાણીને જોઈને વન વિભાગને જાણ કરતા માળીયા વન વિભાગની રેસ્ક્યુ ટિમ સ્થળ ઉપર પહોંચી હતી અને પેન્ગોલીને ઝડપી લઈને સાસણ ગીર ના એનિમલ કેર સેન્ટર ખાતે મોકલી દેવાયું હતું, આ અંગે માળીયા વેન વિભાગના વન અધિકારી એસ. વી. શીલુ એ જાણવાયું હતું કે આ પેંગોલીન પોતાની ટેરેટરીમાંથી ભટકીને રેવન્યુ વિસ્તારમાં આવી ચડ્યું હતું, આ નાર પેંગોલીન છે અને તેની ઉમર આશરે 3 ત્રણ વર્ષની હોવાનો અંદાજ છે