આજે એશિયા કપ ફાઇનલમાં ભારત અને પાકિસ્તાન વચ્ચે થશે મહામુકાબલો

ભારત અને પાકિસ્તાન વર્તમાન એશિયા કપમાં બે મેચ રમી ચૂક્યા છે, જેમાં ભારતે પાકિસ્તાનને જોરદાર હરાવ્યું છે. જોકે, ફાઇનલ પહેલા કેટલાક ભારતીય ખેલાડીઓને ઇજા થવાના અહેવાલો વચ્ચે ટીમ આજે આંશિક ફેરફારો સાથે મેદાનમાં ઉતરી શકે છે, જ્યારે પાકિસ્તાની ટીમમાં ફેરફારની શક્યતા ઓછી છે.

રવિવારે 2025 એશિયા કપ ફાઇનલમાં ભારત અને પાકિસ્તાન એકબીજા સામે ટકરાશે. દુબઈ ઇન્ટરનેશનલ સ્ટેડિયમ ખાતે રમાનારી ફાઇનલ રાત્રે 8 વાગ્યે (IST) શરૂ થશે. એશિયા કપના 41 વર્ષના ઇતિહાસમાં આ પહેલી વાર હશે જ્યારે બંને ટીમો ફાઇનલમાં એકબીજા સામે ટકરાશે. ચાહકો આ મેચને લઈને ખૂબ જ ઉત્સાહિત છે.

ભારત અને પાકિસ્તાન વર્તમાન એશિયા કપમાં બે મેચ રમી ચૂક્યા છે, જેમાં ભારતે પાકિસ્તાનને જોરદાર હરાવ્યું છે. જોકે, ફાઇનલ પહેલા કેટલાક ભારતીય ખેલાડીઓને ઇજા થવાના અહેવાલો વચ્ચે ટીમ આજે આંશિક ફેરફારો સાથે મેદાનમાં ઉતરી શકે છે, જ્યારે પાકિસ્તાની ટીમમાં ફેરફારની શક્યતા ઓછી છે.

સંભવિત પ્લેઇંગ ઇલેવન
ભારત: સૂર્યકુમાર યાદવ (કેપ્ટન), શુભમન ગિલ (વાઈસ-કેપ્ટન), અભિષેક શર્મા, સંજુ સેમસન (વિકેટકીપર), તિલક વર્મા, શિવમ દુબે, અક્ષર પટેલ, જસપ્રિત બુમરાહ, હાર્દિક પંડ્યા/અર્શદીપ સિંહ, વરુણ ચક્રવર્તી, કુલદીપ યાદવ.

પાકિસ્તાનઃ સલમાન આગા (કેપ્ટન), મોહમ્મદ હરિસ (વિકેટકીપર), સાહિબજાદા ફરહાન, ફખર ઝમાન, સૈમ અયુબ, હુસૈન તલત, મોહમ્મદ નવાઝ, ફહીમ અશરફ, શાહીન આફ્રિદી, હરિસ રઉફ, અબરાર અહેમદ.