EDએ ભાગેડુ આર્થિક આરોપી નિરવ મોદીની 329.66 કરોડ રૂપિયાની સંપતિ જપ્ત કરી

ભાગેડુ હિરા ઉદ્યોગકાર અને આર્થિક આરોપી નિરવ મોદીની 329.66 કરોડ રૂપિયાની સંપતિ ઈડીએ જપ્ત કરી છે. એફ.ઈ.ઓ. કાયદા હેઠળ આ કાર્યવાહી કરવામાં આવી છે.

આ પ્રકારે નીરવ મોદીની સંપતિ ટાંચમાં લેવાનો દેશમાં પ્રથમ બનાવ છે. કોર્ટ કાર્યવાહીમાંથી બચીને આબાદ ફરતાં આર્થિક આરોપીઓને અંકુશમાં લેવા માટે 2018માં પ્રધાનમંત્રી નરેન્દ્ર મોદીની આગેવાનીમાં કેન્દ્ર સરકાર દ્વારા આ અંગેનો કાયદો ઘડવામાં આવ્યો હતો.

મુંબઈની એક વિશેષ અદાલતે 8 જૂનના રોજ ઈડીને આર્થિક આરોપીઓની સંપતિઓને ટાંચમાં લેવાનો અધિકાર આપ્યો હતો. નિરવ મોદીને આ જ અદાલત દ્વારા ગત વર્ષે 5 ડિસેમ્બરના રોજ આર્થિક આરોપી અને ભાગેડુ જાહેર કરવામાં આવ્યાં હતાં. નિરવ મોદી હાલ બ્રિટનની એક જેલમાં બંધ છે.