એશિયાઇ સિંહોની વસ્તીમા જોવા મળ્યો નોંધપાત્ર વધારો, રાજ્યમાં સિંહની વસ્તી થઈ 674

2015માં સિંહની સંખ્યા 523 હતી

એકવાર લુપ્તતાના આરે ઉભેલ એશિયાઇ સિંહોની વસ્તીમા નોંધપાત્ર વધારો થયેલ છે. વન વિભાગ દ્વારા 5 જુને એટલે પૂનમનાં દિવસેથી 6 જૂન એમ 24 કલાક સુધી સિંહ અવલોકન કરવામાં આવ્યું હતું. આજે એશિયાઈ સિંહો સૌરાષ્ટ્રના 9 જિલ્લાઓમાં જોવા મળે છે અને આશરે 30000 ચો કિમીના લેંડસ્કેપમાં જોવા મળે છે. 

2015માં સિંહોની વસ્તી ગણતરી કરવામાં આવી હતી ત્યારે સિંહની સંખ્યા 523 થઇ હતી જે 2010 કરતાં 27% વધારે હતી. 2020માં સિંહોની સંખ્યામાં વધારો થયો છે અને સંખ્યા 674 થઇ છે. આ 2015ની સરખામણીમાં આ વખતે 28% નો વધારો જોવા મળ્યો છે. ગુજરાત વન વિભાગ દ્વારા  5-6 જૂન, 2020 ના રોજ પૂનમ અવલોકન નામની એક કવાયત હાથ ધરી હતી, જેને સીધી બીટ ચકાસણી તરીકે (બ્લોક કાઉન્ટ મેથડ) ઓળખવામા આવે છે.