ગાંધીનગર: ગિફ્ટ સિટી ખાતે 'PM ગતિ શક્તિ ગુજરાત' વિષય પર સેમિનાર યોજાયો

આ સેમિનારમાં મુખ્યમંત્રી ભૂપેન્દ્ર પટેલ સહભાગી થયા હતા.

આઝાદી કા અમૃત મહોત્સવ અંતર્ગત આજે ગાંધીનગરના ગિફ્ટ સિટી ખાતે 'PM ગતિ શક્તિ ગુજરાત' આ વિષય પર  સેમિનારનું આયોજન કરવામાં આવ્યું હતું. GIDB, GMB અને CII દ્વારા આયોજિત આ સેમિનારમાં મુખ્યમંત્રી ભૂપેન્દ્ર પટેલ,  ઉદ્યોગ મંત્રી જગદીશ વિશ્વકર્મા પણ સહભાગી થયા હતા. આ અવસરે મુખ્યમંત્રીના હસ્તે 'PM ગતિ શક્તિ' પોર્ટલનું  લોન્ચિંગ કરવામાં આવ્યું. સેમિનારમાં લોજિસ્ટીક ઈન્ફ્રાસ્ટ્રક્ચર ક્ષેત્રે ગુજરાતની પહેલ, ધોલેરા સર અને કોસ્ટલ કોરિડોરનું આયોજન જેવા વિષયો પર ચર્ચા વિચારણા કરવામાં આવી. આ પ્રસંગે મુખ્યમંત્રીએ જણાવ્યું કે, PM ગતિશક્તિ લાગુ કરવામાં ગુજરાત દેશમાં પ્રથમ સ્થાને રહ્યું છે, તેમજ દેશના વિકાસમાં ગુજરાતની મહત્વની ભૂમિકા રહી છે.