'ધ યુનિટી ટ્રેઈલ' સાયકલિંગ ઈવેન્ટ: એકતા નગર ખાતે 21 રાજ્યોના160થી વધુ સાયક્લિસ્ટો જોડાયા

 નર્મદા જિલ્લાના એકતા નગર ખાતે વિશ્વવિખ્યાત સ્ટેચ્યુ ઓફ યુનિટીના સાનિધ્યમાં બે દિવસીય રાષ્ટ્રીય સ્તરની સાયકલિંગ ઇવેન્ટ 'ધ યુનિટી ટ્રેઈલ' ભવ્ય રીતે યોજાઈ હતી. આ સ્પર્ધામાં દેશના 21 રાજ્યોમાંથી 160 કરતા વધુ પ્રોફેશનલ સાયક્લિસ્ટો, જેમાં 121 પુરુષો અને 39 મહિલાઓ, ઉત્સાહભેર જોડાયા હતા.

ગુજરાતમાંથી 18 જેટલા સાયક્લિસ્ટો સહભાગી બન્યા હતા. ઇન્ડિયન રેલવે અને ઇન્ડિયન એરફોર્સના સાયક્લિસ્ટોની હાજરી વિશેષ આકર્ષણનું કેન્દ્ર બની હતી.સાઇકલોથોનનો પ્રારંભ અને રૂટની વિગતોપ્રથમ દિવસ (રવિવાર):ગુજરાત સરકારના પ્રવાસન, રમત-ગમત, યુવક સેવા અને સાંસ્કૃતિક પ્રવૃત્તિઓ વિભાગના રાજ્ય મંત્રી ડૉ. જયરામ ગામીતે લીલી ઝંડી આપીને સાઇકલોથોનનો પ્રારંભ કરાવ્યો હતો.

આ **પાંચ કિ.મી.**ની સાઇકલોથોનમાં સમગ્ર ગુજરાત સહિત દેશના વિવિધ રાજ્યોમાંથી કુલ 650થી વધુ સાઇક્લિસ્ટોએ ભાગ લીધો હતો.મંત્રી, ધારાસભ્ય અને અધિકારીઓ પણ સાયકલ ચલાવીને યુવાનોને પ્રોત્સાહિત કર્યા હતા.બીજો દિવસ (સોમવાર):સ્પર્ધા માટે સ્ટેચ્યુ ઓફ યુનિટી પ્રવાસન વિસ્તાર વિકાસ સત્તામંડળ હસ્તકનો 20 કિ.મી.નો સર્ક્યુલર રૂટ નક્કી કરાયો હતો.મહિલા સ્પર્ધકોએ 3 રાઉન્ડ (60કિ.મી.) અને પુરુષ સ્પર્ધકોએ ૫ રાઉન્ડ (100 કિ.મી.) લગાવીને સ્પર્ધા પૂર્ણ કરી હતી.સૌથી મોટી રોકડ રકમનું ઇનામ વિતરણગુજરાત સરકારના પ્રવાસન, રમત-ગમત, યુવા અને સાંસ્કૃતિક પ્રવૃત્તિઓ વિભાગ દ્વારા આ પ્રકારની ઇવેન્ટમાં સૌ પ્રથમ વખત સાઇક્લિસ્ટોને સૌથી વધુ રોકડ રકમ આપવામાં આવી હતી.

ક્રમપુરુષ અને મહિલા વિજેતારોકડ ઇનામપ્રથમબંને વિભાગોમાં₹ 3 લાખદ્વિતીયબંને વિભાગોમાં₹ 2 લાખતૃતીયબંને વિભાગોમાં₹ 1 લાખઆ ઉપરાંત, અન્ય 13-13 સ્પર્ધકોને પણ પ્રોત્સાહન રૂપે રોકડ ઇનામો અપાયા હતા.વિજેતાઓની યાદીવર્ગક્રમવિજેતાનું નામરાજ્ય/સંસ્થા100 કિ.મી. (પુરુષ)1 મનજિતસિંગએરફોર્સ૨ સૂર્યા દાસુમહારાષ્ટ્ર 3 હર્ષવિરસિંગ કૌરપંજાબ 60  કિ.મી. (મહિલા)1કુ. સ્વાતિ સિંગઓરિસ્સા 2 કુ. ગુપ્તા મુશ્કાનગુજરાત 3 કુ. સૌમ્યા અંતપુરરેલવેસંકલ્પ અને આકર્ષણનર્મદા જિલ્લાના સુંદર પ્રાકૃતિક નજારા અને વિશ્વવિખ્યાત સ્ટેચ્યુ ઓફ યુનિટીની વચ્ચે યોજાયેલી આ સાઇકલોથોન દેશભરના સાયક્લિસ્ટો માટે વિશેષ આકર્ષણ બની હતી. 

સૌએ સાયકલિંગ દ્વારા ફિટનેસ, સ્વચ્છતા, પર્યાવરણ સુરક્ષા અને રાષ્ટ્રીય એકતા જેવા મૂલ્યોને મજબૂત બનાવવાનો સંકલ્પ વ્યક્ત કર્યો હતો.આયોજકોએ વિશ્વાસ વ્યક્ત કર્યો હતો કે આ સાઇકલોથોન યુવાનો માટે પ્રેરણાસ્ત્રોત સાબિત થઈ છે અને આગામી સમયમાં સાઇકલિંગ સ્પોર્ટ્સ ઇવેન્ટ માટે એકતા નગરનો આ ટ્રેક વિશ્વ વિખ્યાત બની રહેશે.ઉપસ્થિત મહાનુભાવોઆ કાર્યક્રમમાં નાંદોદના ધારાસભ્ય ડૉ. દર્શનાબેન દેશમુખ, સાયકલિંગ ફેડરેશન ઓફ ઇન્ડિયાના સેક્રેટરી મનિંદર પાલ, ગુજરાત પ્રવાસન વિભાગના સચિવ ડૉ. રાજેન્દ્ર કુમાર, સ્ટેચ્યુ ઓફ યુનિટીના ચેરમેન મુકેશ પુરી, મુખ્ય કારોબારી અધિકારી અમિત અરોરા, તેમજ અન્ય અધિકારીઓ, આગેવાનો અને મોટી સંખ્યામાં નાગરિકો ઉપસ્થિત રહીને સાઇક્લિસ્ટોને શુભેચ્છાઓ પાઠવી હતી.