3 કરોડથી વધુ પશુઓનું 'ખરવા-મોવાસા' મુક્ત કરવા રેકોર્ડબ્રેક રસીકરણ કરાયું

મુખ્યમંત્રી ભૂપેન્દ્ર પટેલના નેતૃત્વ હેઠળ ગુજરાત સરકારે પશુપાલન ક્ષેત્રે એક નવી ઐતિહાસિક ઊંચાઈ સર કરી છે. રાજ્યના અર્થતંત્રના મુખ્ય આધારસ્તંભ એવા પશુપાલકોની આર્થિક સમૃદ્ધિ માટે 'ખરવા-મોવાસા' રોગ સામે રક્ષણ આપતું વ્યાપક રસીકરણ અભિયાન સફળતાપૂર્વક પૂર્ણ કરવામાં આવ્યું છે. વર્ષ ૨૦૨૫-૨૬ દરમિયાન રાજ્યના ૩ કરોડથી વધુ પશુઓને આ જીવલેણ વાયરસ સામે સુરક્ષિત કરવામાં આવ્યા છે.

1. હર્ડ ઇમ્યુનિટીમાં 80%નો વધારો: વાયરસ હવે નબળો પડ્યો
સરકારના સઘન પ્રયાસોને પરિણામે ગુજરાતમાં પશુઓમાં રોગપ્રતિકારક શક્તિ (Hurd Immunity) 80% સુધી પહોંચી ગઈ છે. વ્યાપક રસીકરણના પ્રતાપે રાજ્યમાં વાયરસનો ફેલાવો ઘટીને માત્ર 3% રહ્યો છે, જે પશુપાલન વિભાગની મોટી સફળતા દર્શાવે છે.

2. લાઈવસ્ટોક હેલ્થ એન્ડ ડિસીઝ કંટ્રોલ પ્રોગ્રામ: ઘરે બેઠા રસીકરણ
માણસા તાલુકાના લોદરા સહિત રાજ્યભરના લાખો પશુપાલકો માટે આ યોજના આશીર્વાદરૂપ સાબિત થઈ છે.

નિઃશુલ્ક સેવા: પશુપાલન વિભાગની ટીમો દર છ મહિને પશુપાલકોના ઘરે જઈને પશુઓને રસી આપે છે.

આર્થિક ફાયદો: પશુઓ રોગમુક્ત રહેતા દૂધ ઉત્પાદનમાં ઘટાડો થતો નથી, જેનાથી પશુપાલકોની આવક જળવાઈ રહે છે.

3. ડિજિટલ ઇન્ડિયાનો પ્રભાવ: 'ભારત પશુધન પોર્ટલ' પર ઓનલાઇન નોંધણી
આ અભિયાનની સૌથી મોટી વિશેષતા તેની પારદર્શિતા અને ટેકનોલોજીનો ઉપયોગ છે.

ઇયર-ટેગ: દરેક પશુને ૧૨ આંકડાનો બાર-કોડેડ 'ઇયર-ટેગ' લગાવવામાં આવે છે.

રીઅલ-ટાઇમ ડેટા: પશુની રસીકરણ અને સ્વાસ્થ્યની તમામ વિગતો 'નેશનલ ડિજિટલ લાઈવસ્ટોક મિશન' હેઠળ ઓનલાઇન પોર્ટલ પર નોંધવામાં આવે છે, જેથી એક પણ પશુ રસીકરણથી વંચિત ન રહે.

4. કરોડોનું આર્થિક નુકસાન અટકાવવાનું લક્ષ્ય
ખરવા-મોવાસા જેવા રોગોને કારણે દેશને વાર્ષિક અંદાજે ₹24,000 કરોડનું આર્થિક નુકસાન થતું હોય છે. ગુજરાતમાં આ નુકસાન અટકાવવા માટે 1.71 કરોડ પશુઓને વર્ષમાં બે વાર રસી આપવાનું લક્ષ્ય છે.

વર્ષ 2024-25: 2.93 કરોડ રસીના ડોઝ અપાયા.

વર્ષ 2025-26: આ આંકડો વધીને 3.04 કરોડને પાર કરી ગયો છે.