SVPIA ને 23મો વાર્ષિક ગ્રીનટેક એન્વાયરમેન્ટ એવોર્ડ 2023 એનાયત કરાયો

સરદાર વલ્લભભાઈ પટેલ ઈન્ટરનેશનલ એરપોર્ટ (SVPIA) ને 23મો વાર્ષિક ગ્રીનટેક એન્વાયરમેન્ટ એવોર્ડ 2023 એનાયત કરવામાં આવ્યો છે.  ગ્રીનટેક ફાઉન્ડેશન દ્વારા આયોજિત આ પ્રતિષ્ઠિત પુરસ્કાર પર્યાવરણીય શ્રેષ્ઠતા કેટેગરીમાં ઉત્કૃષ્ટ પ્રદર્શન માટે આપવામાં આવે છે. વેસ્ટ રિસાયક્લિંગ પ્રેક્ટિસ, વોટર મેનેજમેન્ટ, ઊર્જા કાર્યક્ષમતા અને ગ્રીનહાઉસ ગેસ ઉત્સર્જન ઘટાડવામાં એરપોર્ટના ઉત્કૃષ્ટ યોગદાનને કારણે આ સન્માન આપવામાં આવ્યું છે.

ગ્રીનટેક એન્વાયર્નમેન્ટ એવોર્ડ અસાધારણ વ્યક્તિઓ, ટીમો, એકમો, પ્રોજેક્ટ્સ અને સંસ્થાઓનું સન્માન કરે છે જેમણે પર્યાવરણ સંરક્ષણમાં નોંધપાત્ર યોગદાન આપ્યું છે. આ એવોર્ડ તેમના સમર્પણ, વ્યાવસાયીકરણ અને પરિણામલક્ષી પહેલને ઓળખે છે જે ઇકોસિસ્ટમ પર સકારાત્મક અસર કરે છે.

SVPI એરપોર્ટને 24 નવેમ્બર 2023 ના રોજ જમ્મુ અને કાશ્મીરમાં આયોજિત એક એવોર્ડ સમારંભમાં આ પ્રતિષ્ઠિત પર્યાવરણીય શ્રેષ્ઠતા પુરસ્કાર એનાયત કરવામાં આવ્યો હતો. આ માન્યતા ઓપરેશનલ ધોરણો વધારવા, ટકાઉપણું અને પર્યાવરણ વધારવા માટે SVPI એરપોર્ટની અતૂટ પ્રતિબદ્ધતાને પ્રતિબિંબિત કરે છે.

SVPI એરપોર્ટ આ સિદ્ધિ માટે ખૂબ જ ગર્વ અનુભવે છે જે પર્યાવરણીય શ્રેષ્ઠતા માટે તેના ઉચ્ચ સમર્પણને દર્શાવે છે. આ માન્યતા એરપોર્ટને સતત સુધારણા માટે પ્રયત્ન કરવા, શ્રેષ્ઠ પદ્ધતિઓ અપનાવવા અને વધુ ટકાઉ ઉડ્ડયનમાં ફાળો આપતી નવીન વ્યૂહરચનાઓને અમલમાં મૂકવા માટે પ્રેરિત કરશે.