ઈઝરાયલે લેબનીઝ હિઝબુલ્લાહના ત્રણ આતંકવાદીઓને માર્યા

સોમવારે લેબનોનમાં ઇઝરાયેલના ગોળીબારમાં ઓછામાં ઓછા ત્રણ હિઝબુલ્લાહ આતંકવાદીઓ માર્યા ગયા હતા. ઇઝરાયેલે જણાવ્યું હતું કે પેલેસ્ટિનિયનો દ્વારા દાવો કરાયેલા પ્રથમ ક્રોસ બોર્ડર હુમલા દરમિયાન તેનો એક અધિકારી માર્યા ગયા હતા.

ઉલ્લેખનીય છે કે ઈઝરાયેલ-હમાસ યુદ્ધની અસર ઉત્તરમાં ઈઝરાયેલ-લેબનીઝ સરહદ સુધી સંઘર્ષના સ્વરૂપમાં જોવા મળી રહી છે. હિઝબુલ્લાહે તેના નિવેદનમાં જણાવ્યું હતું કે સોમવારે બપોરે દક્ષિણ લેબનોનમાં ઇઝરાયેલના હુમલામાં તેના ત્રણ સભ્યો માર્યા ગયા હતા. ઈરાન સમર્થિત હિઝબુલ્લાહ અને ઈઝરાયેલ વચ્ચે 2006માં એક મહિના સુધી ભીષણ યુદ્ધ થયું હતું.

પેલેસ્ટિનિયન ઇસ્લામિક જેહાદ જૂથ દ્વારા દાવો કરવામાં આવેલા ક્રોસ બોર્ડર હુમલા પછી ઇઝરાયેલે દક્ષિણ લેબનોન પર ગોળીબાર કર્યો. સૈનિકોએ સરહદ પાર કરનારા ઓછામાં ઓછા બે બંદૂકધારીઓને મારી નાખ્યા, ઇઝરાયેલી સૈન્યએ જણાવ્યું હતું. સેનાએ બાદમાં કહ્યું કે એક ડેપ્યુટી કમાન્ડર, લેફ્ટનન્ટ કર્નલ અલીમ અબ્દુલ્લા, એન્કાઉન્ટર દરમિયાન માર્યા ગયા.