ઈઝરાયેલની મદદ માટે અમેરિકા મિડલ ઈસ્ટમાં ફાઈટર જેટ-મિસાઈલ તહેનાત કરશે

ઈઝરાયેલની સુરક્ષા માટે અમેરિકા હવે મધ્ય પૂર્વમાં વધારાના ફાઈટર જેટ અને નૌકા જહાજો તહેનાત કરશે. આ તહેનાતી ઈરાન અને ઈરાન સમર્થિત મિલિશિયાની ધમકીઓના જવાબમાં કરવામાં આવશે. પેન્ટાગોનના ડેપ્યુટી પ્રેસ સેક્રેટરી સબરીના સિંહે શુક્રવારે આ માહિતી આપી.

પેન્ટાગોને કહ્યું કે, અમેરિકી સંરક્ષણ વડાએ પશ્ચિમ એશિયામાં વધુ ફાઈટર પ્લેન મોકલવાનો આદેશ આપ્યો છે. યુએસ ડિપાર્ટમેન્ટ ઓફ ડિફેન્સ (DoD) દ્વારા જારી કરવામાં આવેલા એક નિવેદનમાં કહેવામાં આવ્યું છે કે, યુએસ ડિફેન્સ સેક્રેટરી લોયડ ઓસ્ટિને 'અતિરિક્ત બેલિસ્ટિક મિસાઈલ ડિફેન્સ-સક્ષમ ક્રુઝર અને ડિસ્ટ્રોયર્સને યુએસ યુરોપિયન કમાન્ડ અને યુએસ સેન્ટ્રલ કમાન્ડ વિસ્તારોમાં મોકલવાનો આદેશ આપ્યો છે.'

ડેપ્યુટી પેન્ટાગોન પ્રેસ સેક્રેટરી સિંઘના જણાવ્યા અનુસાર, રાષ્ટ્રપતિ જો બાયડન અને ઇઝરાયેલના પ્રધાનમંત્રી બેન્જામિન નેતન્યાહૂએ વાતચીત કરી હતી, જેના પછી યુએસએ આ ક્ષેત્રમાં વધુ સંરક્ષણ ક્ષમતાઓ પ્રત્યે પ્રતિબદ્ધતા વ્યક્ત કરી હતી, સંરક્ષણ સચિવ લોયડ જે. ઑસ્ટિન III ઇઝરાયેલના સંરક્ષણ પ્રધાન યોવ ગાલાન્ટ સાથે વાતચીત કરે છે. આ દરમિયાન ઓસ્ટીને ઈઝરાયેલને વધારાની મદદ આપવાનું વચન આપ્યું હતું.

આ પગલું એવા સમયે લેવામાં આવ્યું છે જ્યારે અમેરિકાને આશંકા છે કે ઈરાન તહેરાનમાં હમાસના નેતા ઈસ્માઈલ હાનિયાની તાજેતરમાં થયેલી હત્યાનો બદલો લઈ શકે છે. તહેરાન અને તેના સમર્થકોએ લેબનોનમાં હિઝબુલ્લાહના ટોચના કમાન્ડર હૈયેહ અને ફૌદ શુકુરની હત્યાનો બદલો લેવાની પ્રતિજ્ઞા લીધી છે.