ઉ. કોરિયાની રાજધાનીમાં 5 દિવસનું લોકડાઉન, લોકોને શ્વાસ લેવામાં તકલીફ વધી

ઉત્તર કોરિયાની રાજધાની પ્યોંગયાંગમાં પાંચ દિવસનું લોકડાઉન લગાવવામાં આવ્યું છે. અહીંના લોકોમાં એક એવી બીમારી ફેલાઈ રહી છે, જેનાથી તેમને શ્વાસ લેવામાં તકલીફ પડી રહી છે. દક્ષિણ કોરિયા સ્થિત એનકે ન્યુઝે એક સરકારી નોટિસનો હવાલો આપી આ વાતની જાણકારી આપી છે.

નોટિસમાં કોરોનાનો ઉલ્લેખ નથી
રિર્પોટ્સના જણાવ્યા અનુસાર, સરકારી નોટિસમાં કોરોના વાઇરસનો ઉલ્લેખ કરવામાં આવ્યો નથી. આમાં માત્ર શ્વાસ સંબંધિત બીમારીની જ વાત કરવામાં આવી છે. પ્યોંગયાંગના નાગરિકોને રવિવારના અંત સુધી તેમના ઘરમાં જ રહેવાની સૂચના આપવામાં આવી છે. તાનાશાહી સરકારે એક એડવાઈઝરી પણ જારી કરી છે જેમાં કહેવામાં આવ્યું છે કે લોકોએ દિવસમાં ઘણી વખત તેમનું તાપમાન તપાસવું અને રેકોર્ડ કરવું.