ચીને ક્રિસ ટાંગ પિંગ-કેંગને હોંગકોંગમાં નવા પોલીસ વડા તરીકે નિયુક્ત કર્યા

હોંગકોંગમાં અરાજકતાનો દૌર યથાવત

હોંગકોંગ પોલીટેકનિક યુનિવર્સિટી હવે વિરોધીઓ અને પોલીસ માટે યુદ્ધનું ક્ષેત્ર બની ગઈ છે. પોલીસે યુનિવર્સિટીને ચારે બાજુથી ઘેરી લીધી છે અને જે બહાર આવે છે તેની ધરપકડ કરી રહી છે. દરમિયાન, હોંગકોંગમાં વ્યાપક વિરોધ વચ્ચે, ચીનની સ્ટેટ કાઉન્સિલે મંગળવારે લો વાઈ ચુંગની બદલી કરીને તાંગ-પિંગ-કંગને હોંગકોંગના નવા પોલીસ કમિશનર તરીકે નિયુક્ત કર્યા. શહેરના નેતા કેરી લામએ કહ્યું કે જેની ઉંમર 18 વર્ષથી ઓછી છે તેમની તાત્કાલિક ધરપકડ કરવામાં આવશે નહીં પરંતુ પાછળથી આરોપોનો સામનો કરવો પડી શકે છે. તેમણે કહ્યું કે બાકીના 400 લોકોની ધરપકડ કરવામાં આવી છે.

સલાહકારો સાથેની સાપ્તાહિક મીટિંગ બાદ, તેમણે કહ્યું હતું કે યુનિવર્સિટી કેમ્પસમાં હાજર બાકી રહેલા વિરોધીઓને બહાર આવવા મનાવવા માટે તેઓ તમામ શક્ય પ્રયાસો કરશે જેથી સમગ્ર અભિયાનને વહેલી તકે શાંતિપૂર્ણ રીતે સમાપ્ત કરી શકાય. તમને જણાવી દઈએ કે પ્રત્યાર્પણ કાયદાના વિરોધમાં શરૂ થયેલ આ આંદોલન હવે ખૂબ વ્યાપક અને ઉગ્ર બન્યું છે. આ કાયદા હેઠળ હોંગકોંગથી ગુનેગારોને ચીન મોકલવાની અને ત્યાં કાયદેસરની કાર્યવાહી કરવાની જોગવાઈ હતી.