દુબઈ એરપોર્ટ નજીક ઈરાની ડ્રોન હુમલો

ઈરાને ફરી એકવાર દુબઈ ઇન્ટરનેશનલ એરપોર્ટ પર ડ્રોન હુમલો કર્યો છે. આ હુમલામાં એક ભારતીય સહિત ચાર લોકો ઘાયલ થયા છે. દુબઈ મીડિયા ઓફિસે X પર એક નિવેદનમાં જણાવ્યું હતું કે, "સત્તાવાળાઓએ દુબઈ ઇન્ટરનેશનલ એરપોર્ટ (DXB) નજીક બે ડ્રોનને અટકાવ્યા, જેમાં એક ભારતીય નાગરિક સહિત ચાર લોકો ઘાયલ થયા." તેમાં ઉમેર્યું હતું કે, "હવાઈ ટ્રાફિક સામાન્ય રીતે કાર્યરત છે."

ઈરાને તેના પ્રદેશ પર યુએસ અને ઇઝરાયલી હુમલાઓનો જવાબ સંયુક્ત આરબ અમીરાત, બહેરીન, કતાર અને અન્ય ગલ્ફ દેશો પર મિસાઇલો અને ડ્રોનનો હુમલો કરીને આપ્યો છે, જેના કારણે માળખાગત સુવિધાઓને નુકસાન થયું છે અને તેલ ઉત્પાદનમાં વિક્ષેપ પડ્યો છે.

ઈરાન અને યુએસ-ઇઝરાયલ વચ્ચે યુદ્ધ બે અઠવાડિયાથી ચાલી રહ્યું છે. આ સંઘર્ષના પગલે મધ્ય પૂર્વીય દેશો પણ પીડાઈ રહ્યા છે. ઈરાને અગાઉ દુબઈ એરપોર્ટ નજીક તેમજ શહેરના રહેણાંક વિસ્તારોમાં હુમલા કર્યા છે.