પાકિસ્તાનના પૂર્વ પ્રધાનમંત્રી ઈમરાન ખાનની મુશ્કેલીમાં સતત વધારો, સરકારે ફગાવ્યો પ્રસ્તાવ

રાષ્ટ્રીય સમાધાન વટહુકમની માંગ કરી રહ્યા છે.

પાકિસ્તાનના પૂર્વ પ્રધાનમંત્રી ઈમરાન ખાનની મુશ્કેલીમાં સતત વધારો થઈ રહ્યો છે. વાસ્તવમાં તેઓ રાષ્ટ્રીય સમાધાન વટહુકમની માંગ કરી રહ્યા છે. આ માટે તેમણે સરકારને વાતચીતનો પ્રસ્તાવ મોકલ્યો હતો. પરંતુ સરકારે તેને ફગાવી દીધો છે. બીજી તરફ પીએમએલ-એનના નેતા નવાઝ શરીફે કહ્યું કે, નેતાઓ સાથે વાતચીત થાય છે, આતંકવાદીઓ સાથે નહીં. સાથે જ મરિયમ ઔરંગઝેબે પણ કહ્યું કે, દેશ પર હુમલો કરનારાઓને સજા મળે છે, વાટાઘાટો નહીં. મહત્વનું છે કે ઈમરાન ખાને સરકાર સાથે વાતચીત કરવા માટે 7 સભ્યોની ટીમ બનાવી હતી. આ વાતચીતનો હેતુ સામાન્ય ચૂંટણીની તારીખ પર સર્વસંમતિ સાધવાનો હતો.