પાકિસ્તાન: કરાચીના ગુલિસ્તાન-એ-જોહરમાં વિસ્ફોટ, સિંધ રેન્જર્સના 3 જવાનોના મોત

"ધ ડોન" અનુસાર, સિંધના ઇન્સ્પેક્ટર જનરલ જાવેદ આલમ ઓધોએ ડોનને જણાવ્યું હતું કે, પ્રાથમિક માહિતી અનુસાર સિંધ રેન્જર્સના સ્થાનિક મુખ્યાલય પર થયેલા હુમલામાં ત્રણ આતંકવાદીઓ પણ માર્યા ગયા હતા. પોલીસ વડાએ કહ્યું  કે, હુમલા દરમિયાન વિસ્ફોટ થયો હતો કે કેમ તે તાત્કાલિક સ્પષ્ટ નથી. તેમણે કહ્યું કે આતંકવાદીઓએ મુખ્ય દરવાજા સાથે તેમના વાહનને અથડાવીને વિસ્તારમાં પ્રવેશવાનો પ્રયાસ કર્યો હતો.

શનિવારે પાકિસ્તાનના કરાચી શહેરને હચમચાવી નાખ્યું. અહેવાલો દર્શાવે છે કે તે આતંકવાદી હુમલો હતો. સિંધ પોલીસ વડાના જણાવ્યા અનુસાર, આ હુમલામાં સિંધ રેન્જર્સના ત્રણ જવાનો માર્યા ગયા હતા. પાકિસ્તાનના અગ્રણી અખબાર "ધ ડોન" ના અહેવાલ મુજબ, કરાચીના ગુલિસ્તાન-એ-જોહર વિસ્તારમાં આતંકવાદીઓએ અર્ધલશ્કરી સિંધ રેન્જર્સની ઇમારત પર હુમલો કર્યો. આ હુમલામાં સિંધ રેન્જર્સના ત્રણ જવાનો માર્યા ગયા.

"ધ ડોન" અનુસાર, સિંધના ઇન્સ્પેક્ટર જનરલ જાવેદ આલમ ઓધોએ ડોનને જણાવ્યું હતું કે, પ્રાથમિક માહિતી અનુસાર સિંધ રેન્જર્સના સ્થાનિક મુખ્યાલય પર થયેલા હુમલામાં ત્રણ આતંકવાદીઓ પણ માર્યા ગયા હતા. પોલીસ વડાએ કહ્યું  કે, હુમલા દરમિયાન વિસ્ફોટ થયો હતો કે કેમ તે તાત્કાલિક સ્પષ્ટ નથી. તેમણે કહ્યું કે આતંકવાદીઓએ મુખ્ય દરવાજા સાથે તેમના વાહનને અથડાવીને વિસ્તારમાં પ્રવેશવાનો પ્રયાસ કર્યો હતો.

ઇન્સ્પેક્ટર ઓધોએ જણાવ્યું કે, વિસ્તારમાં સર્ચ ઓપરેશન ચાલી રહ્યું છે. સ્પેશિયલ સિક્યુરિટી યુનિટ (SSU) કમાન્ડો, એન્ટી-ટેરરિસ્ટ ફોર્સ (ATF) અને રેન્જર્સના જવાનોએ આ વિસ્તારને ઘેરી લીધો છે. અગાઉ, વિસ્તારમાં ભારે ગોળીબાર અને વિસ્ફોટના અહેવાલો મળ્યા બાદ સુરક્ષા દળો ઘટનાસ્થળે પહોંચ્યા હતા. અખબાર ડોનના અહેવાલ અનુસાર પરિસ્થિતિને નિયંત્રિત કરવા માટે રેપિડ રિસ્પોન્સ ફોર્સ અને પોલીસ કમાન્ડો જેવા ખાસ એકમોને પણ તૈનાત કરવામાં આવ્યા છે. પોલીસ અને અર્ધલશ્કરી દળોએ આસપાસના સમગ્ર વિસ્તારને ઘેરી લીધો છે.

અખબાર ડોનના અહેવાલ અનુસાર સિંધના મુખ્યમંત્રી સૈયદ મુરાદ અલી શાહે મોસામિયત ચોક નજીક વિસ્ફોટ અને ગોળીબારના અહેવાલોની નોંધ લીધી છે અને ઘટના અંગે વિગતવાર અહેવાલ માંગ્યો છે. મુખ્યમંત્રીના પ્રવક્તાના જણાવ્યા અનુસાર, તેમણે સિંધના ઇન્સ્પેક્ટર જનરલ અને કરાચીના એડિશનલ ઇન્સ્પેક્ટર જનરલ સાથે વાત કરી છે અને પોલીસને તાત્કાલિક ઘટનાસ્થળે પહોંચવા, ઘટના વિશે સચોટ માહિતી એકત્રિત કરવા અને જરૂરી કાર્યવાહી કરવાનો નિર્દેશ આપ્યો છે.