પ્રધાનમંત્રી નરેન્દ્ર મોદીના અમેરિકી રાષ્ટ્રપતિ ડોનાલ્ડ ટ્રમ્પે ભરપૂર વખાણ કર્યાં

અમેરિકાના રાષ્ટ્રપતિ ડોનાલ્ડ ટ્રમ્પે ભારતના પ્રધાનમંત્રી નરેન્દ્ર મોદીની પ્રશંસા કરતા તેમને એક "મહાન નેતા" અને "વેરી ટફ કૂકી" (ખૂબ જ મજબૂત વ્યક્તિ) ગણાવ્યા છે. પ્રખ્યાત મીડિયા હાઉસ 'એક્સિઓસ'ને આપેલા એક ખાસ ઇન્ટરવ્યૂમાં ટ્રમ્પે પીએમ મોદીને વિશ્વના એવા નેતાઓની યાદીમાં ટોચ પર મૂક્યા છે જેમને તેઓ સૌથી વધુ માન આપે છે.

અમેરિકાના રાષ્ટ્રપતિ ડોનાલ્ડ ટ્રમ્પે ભારતના પ્રધાનમંત્રી નરેન્દ્ર મોદીની પ્રશંસા કરતા તેમને એક "મહાન નેતા" અને "વેરી ટફ કૂકી" (ખૂબ જ મજબૂત વ્યક્તિ) ગણાવ્યા છે. પ્રખ્યાત મીડિયા હાઉસ 'એક્સિઓસ'ને આપેલા એક ખાસ ઇન્ટરવ્યૂમાં ટ્રમ્પે પીએમ મોદીને વિશ્વના એવા નેતાઓની યાદીમાં ટોચ પર મૂક્યા છે જેમને તેઓ સૌથી વધુ માન આપે છે.

PMની રાજકીય સ્થિરતા અને મજબૂતાઈના ટ્રમ્પ મુરીદ
તાજેતરમાં યોજાયેલી G-7 સમિટને યાદ કરતાં રાષ્ટ્રપતિ ટ્રમ્પે પીએમ મોદીની વૈશ્વિક સ્વીકૃતિ અને રાજકીય તાકાતનો ઉલ્લેખ કર્યો હતો. ટ્રમ્પે જણાવ્યું: "મેં આખી જિંદગી ભારતને જોયું છે, ત્યાં નેતાઓ સતત બદલાતા રહેતા હતા. કોઈ છ મહિના માટે તો કોઈ એક વર્ષ માટે સત્તા પર આવતું. પરંતુ અચાનક પ્રધાનમંત્રી મોદી આવ્યા અને તેઓ 12 વર્ષથી વધુ સમયથી ત્યાં શાસન કરી રહ્યા છે, જે ખૂબ જ મજબૂત બાબત છે. ભારત જેવા દેશમાં તેમણે અદભુત રાજકીય સ્થિરતા જાળવી રાખી છે."

"તેઓ શાંત દેખાય છે, પણ વાસ્તવમાં ખૂબ જ મજબૂત છે"
પીએમ મોદીના વ્યક્તિત્વ વિશે વાત કરતા ટ્રમ્પે ઉમેર્યું કે, "તેમનામાં એક અદભુત શાંતિ જોવા મળે છે, પરંતુ વાસ્તવમાં તેઓ શાંત (નરમ) વ્યક્તિ નથી. તેઓ ખૂબ જ મજબૂત નેતા છે અને હું તેમને બહુ સારી રીતે ઓળખું છું. સાચું કહું તો, વાસ્તવિક પીએમ મોદી એક ‘વેરી ટફ કૂકી’ છે." ટ્રમ્પે વૈશ્વિક મંચ પર ભારતના વધતા પ્રભાવ અને વસ્તીનો ઉલ્લેખ કરતા કહ્યું, "તેઓ ૧.૫ અબજ (150 કરોડ) લોકોનું પ્રતિનિધિત્વ કરે છે, જે વિશ્વમાં સૌથી વધુ છે. ભારતના તાજેતરના આર્થિક આંકડા ખૂબ જ શાનદાર આવ્યા છે અને પીએમ મોદી યુદ્ધોથી દૂર રહે છે, જે તેમની ખૂબ જ સ્માર્ટ વ્યુહરચના છે."

શી જિનપિંગ અને પીએમ મોદીના આપ્યા ઉદાહરણ
આ વ્યાપક ઇન્ટરવ્યૂમાં વૈશ્વિક રાજદ્વારી સંબંધો અને આર્ટિફિશિયલ ઇન્ટેલિજન્સ (AI) જેવા વિષયો પર ચર્ચા દરમિયાન ટ્રમ્પે ચીનના રાષ્ટ્રપતિ શી જિનપિંગના પણ વખાણ કર્યા હતા. તેમણે શી જિનપિંગ અને પીએમ મોદી બંનેના ઉદાહરણ આપીને સમજાવ્યું કે જે નેતાઓ આટલા સર્વોચ્ચ પદ પર પહોંચે છે, તેઓ અસાધારણ ક્ષમતા અને મજબૂતાઈ ધરાવતા હોય છે.

ટ્રમ્પ અને પીએમ મોદીની ગાઢ દોસ્તીનો ઈતિહાસ
નોંધનીય છે કે ડોનાલ્ડ ટ્રમ્પના પ્રથમ કાર્યકાળ દરમિયાન બંને નેતાઓ વચ્ચે ખૂબ જ ગાઢ સંબંધો બંધાયા હતા. આ દરમિયાન હ્યુસ્ટનમાં યોજાયેલી ઐતિહાસિક ‘હાઉડી, મોદી’ (Howdy, Modi) રેલી અને અમદાવાદમાં યોજાયેલો ‘નમસ્તે ટ્રમ્પ’ (Namaste Trump) કાર્યક્રમ આજે પણ વૈશ્વિક રાજનીતિમાં યાદગાર ગણાય છે. ૨૦૧૪થી ભારતના પ્રધાનમંત્રી તરીકે સેવા આપી રહેલા પીએમ મોદીના નેતૃત્વમાં ભારત અને અમેરિકા વચ્ચે સંરક્ષણ, ટેક્નોલોજી અને વેપાર ક્ષેત્રે ભાગીદારી સતત મજબૂત થઈ રહી છે.