ભારત એપલનું પાંચમું સૌથી મોટું iPhone માર્કેટ, ડિસેમ્બર 2024 સુધીમાં ભારતમાં એરપોડ્સનું ઉત્પાદન શરૂ થશે

એપલ આગામી 4-5 વર્ષમાં ભારતમાં ઉત્પાદન પાંચ ગણું વધારીને લગભગ 40 બિલિયન ડોલર કરવાની યોજના ધરાવે છે. ગયા નાણાકીય વર્ષમાં એપલે 7 બિલિયન ડોલરના ઉત્પાદનનો આંકડો પાર કર્યો હતો. ભારતમાં ઉત્પાદન વધારવાનો એપલનો નિર્ણય વધુ વિદેશી કંપનીઓને દેશમાં આમંત્રિત કરવા માટેના સરકારી પ્રોત્સાહનો સાથે જોડાયેલો છે. એપલ પહેલાથી જ ભારતમાં ફોક્સકોન અને પેગાટ્રોન જેવા ભાગીદારો સાથે આઈફોન 13, આઈફોન 12 અને આઈફોન SEનું ઉત્પાદન કરે છે. 

એપલ ડિસેમ્બર 2024 સુધીમાં ભારતમાં એરપોડ્સનું ઉત્પાદન શરૂ કરે તેવી અપેક્ષા છે. જર્મની અને ફ્રાંસને પાછળ છોડીને ભારત એપલનું પાંચમું સૌથી મોટું આઈફોન માર્કેટ બની ગયું છે. ભારતમાંથી સ્માર્ટફોન નિકાસના જથ્થામાં એપલે પ્રથમ વખત સેમસંગને પાછળ છોડી દીધું છે.