લેશનનો ભાર ઘટાડવા અમેરિકાના કેલિફોર્નિયામાં નવો કાયદો બનાવાયો

અમેરિકાના કેલિફોર્નિયામાં વિદ્યાર્થીઓ પર લોશનનો માનસિક તણાવ ઓછો કરવા માટે નવો કાયદો પસાર કરવામાં આવ્યો છે. આ કાયદો અમેરિકામાં 1 જાન્યુઆરી, 2025થી અમલમાં આવ્યો છે. કેલિફોર્નિયાના ગવર્નર ગેવિન ન્યૂઝમે સપ્ટેમ્બર 2024માં આ કાયદાને મંજૂરી આપી હતી.

આ કાયદાનો મુખ્ય ઉદ્દેશ્ય વિદ્યાર્થીઓના શિક્ષણ અને કલ્યાણને પ્રોત્સાહન આપવાનો અને હોમવર્કમાં સુસંગતતા અને સ્પષ્ટતા સુનિશ્ચિત કરવાનો છે. તમને જણાવી દઈએ કે આ બિલ સૌથી પહેલા કેલિફોર્નિયાના પ્રોવિન્સ એસેમ્બલી મેમ્બર પિલર શિઆવોએ રજૂ કર્યું હતું. પુત્રી સોફિયા જ્હોન્સનની જેમ મોટા ભાગના વિદ્યાર્થીઓ, ભારે હોમવર્કને કારણે વારંવાર તણાવ અનુભવે છે. આ કાયદાનો હેતુ શૈક્ષણિક સમાનતા અને હોમવર્કની અસરકારકતામાં સુધારો કરવાનો છે.

આ કાયદો હોમવર્ક પર પ્રતિબંધ મૂકતો નથી
કેલિફોર્નિયાનો આ કાયદો કોઈ પણ રીતે હોમવર્ક પર પ્રતિબંધ મૂકતો નથી. તેના બદલે, તે સ્થાનિક શૈક્ષણિક એજન્સીઓ (LEAs) ને દરેક ગ્રેડ સ્તર માટે હોમવર્ક નીતિઓ બનાવવા અને નિયમિતપણે અપડેટ કરવાની જવાબદારી આપે છે. આ માટે, કેલિફોર્નિયા ડિપાર્ટમેન્ટ ઑફ એજ્યુકેશન 1 જાન્યુઆરી, 2026 સુધીમાં માર્ગદર્શિકા જારી કરશે, જેથી શાળા જિલ્લાઓને કેન્દ્રિય સંસાધન મળી શકે.

હોમવર્ક કાયદા વિશે માતા-પિતા ચિંતિત
એક તરફ, અમેરિકાના કેલિફોર્નિયામાં લાવવામાં આવેલા આ નવા કાયદાનું દરેક જણ સમર્થન કરી રહ્યા છે, તો બીજી તરફ કેટલાક શિક્ષકો અને વાલીઓ ચિંતિત છે કે આ કાયદો શૈક્ષણિક ધોરણોને અસર કરી શકે છે. જો કે, તેના સમર્થકો કહે છે કે આ કાયદાનો હેતુ હોમવર્કને સંપૂર્ણપણે દૂર કરવાનો નથી, પરંતુ તેને વધુ મદદરૂપ અને વિદ્યાર્થીઓની સુખાકારીને અનુરૂપ બનાવવાનો છે. જેથી બાળકો પર કોઈપણ પ્રકારનો ભાર ન આવે અને તેઓ માનસિક તણાવથી દૂર રહી શકે.