અંતર્ગત ત્રણ રાજ્યોના ITI ક્લસ્ટર માટે 735 કરોડના રોકાણને મંજૂરી

રાજસ્થાન, ઉત્તર પ્રદેશ અને તેલંગાણાના ત્રણ ITI ક્લસ્ટર માટે સ્ટ્રેટેજિક ઇન્વેસ્ટમેન્ટ પ્લાન મંજૂર

કેન્દ્ર સરકારના પ્રધાનમંત્રી સ્કિલિંગ એન્ડ એમ્પ્લોયબિલિટી ટ્રાન્સફોર્મેશન થ્રુ અપગ્રેડેડ ITIs (PM-SETU) કાર્યક્રમ હેઠળ રાજસ્થાન, ઉત્તર પ્રદેશ અને તેલંગાણાના ITI ક્લસ્ટર માટે કુલ ₹735.70 કરોડના પ્રોજેક્ટ આઉટલેને મંજૂરી આપવામાં આવી છે.

PM-SETUની નેશનલ સ્ટિયરિંગ કમિટીની 5મી બેઠકમાં આ મહત્વપૂર્ણ નિર્ણય લેવામાં આવ્યો હતો. બેઠકનું અધ્યક્ષસ્થાન કૌશલ્ય વિકાસ અને ઉદ્યોગસાહસિકતા મંત્રાલય (MSDE)ના સચિવ દેબાશ્રી મુખર્જીએ કર્યું હતું.

આ નવી મંજૂરી સાથે PM-SETU હેઠળ દેશના કુલ 9 ITI ક્લસ્ટર માટે મંજૂર રોકાણ ₹2,171 કરોડ સુધી પહોંચી ગયું છે. આ યોજના હેઠળ દેશભરની સરકારી ITIને આધુનિક, ઉદ્યોગલક્ષી અને ભવિષ્યની રોજગાર જરૂરિયાતોને અનુરૂપ બનાવવાની કામગીરીને વધુ વેગ મળશે.

ત્રણ રાજ્યોના ITI ક્લસ્ટરને મળશે લાભ

નેશનલ સ્ટિયરિંગ કમિટીએ રાજસ્થાન, તેલંગાણા અને ઉત્તર પ્રદેશના ત્રણ ITI ક્લસ્ટર માટે સ્ટ્રેટેજિક ઇન્વેસ્ટમેન્ટ પ્લાન (SIP)ને મંજૂરી આપી છે.

રાજસ્થાનઃ ₹241 કરોડ

રાજસ્થાનના ભિવાડી ITI ક્લસ્ટર માટે H.G. Infra Engineering Limited (HGIEL) દ્વારા રજૂ કરવામાં આવેલા SIPને મંજૂરી આપવામાં આવી છે.

આ ક્લસ્ટરમાં:

• હબ: સરકારી ITI ભિવાડી

• સ્પોક: સરકારી ITI અલવર

• સ્પોક: સરકારી ITI નીમરાણા

• સ્પોક: સરકારી ITI તિજરા

• સ્પોક: સરકારી ITI કિશનગઢ બાસ

આ ક્લસ્ટર માટે કુલ ₹241 કરોડના રોકાણની મંજૂરી આપવામાં આવી છે.

તેલંગાણાઃ ₹254.30 કરોડ

તેલંગાણાના મેડચલ ITI ક્લસ્ટર માટે ZEN Technologies Limited દ્વારા રજૂ કરવામાં આવેલા સ્ટ્રેટેજિક ઇન્વેસ્ટમેન્ટ પ્લાનને મંજૂરી આપવામાં આવી છે. આ પ્રસ્તાવ અગાઉ નેશનલ સ્ટિયરિંગ કમિટીની ચોથી બેઠક દરમિયાન ઓપરેશનલ અને નાણાકીય બાબતો અંગે વધુ સ્પષ્ટતા જરૂરી હોવાથી મુલતવી રાખવામાં આવ્યો હતો.

આ ક્લસ્ટરમાં:

• હબ: સરકારી ITI મેડચલ

• સ્પોક: સરકારી ITI અલવાલ

• સ્પોક: સરકારી ITI શમીરપેટ

• સ્પોક: સરકારી ITI કુકુનૂરપલ્લી

• સ્પોક: સરકારી ITI સિદ્દીપેટ

કુલ ₹254.30 કરોડના રોકાણ માટે મંજૂરી આપવામાં આવી છે.

એન્કર ઇન્ડસ્ટ્રી પાર્ટનર પાસેથી કોર્સ સ્ટ્રક્ચર, નાણાકીય ગણતરી, પાત્રતા, દસ્તાવેજીકરણ અને સિવિલ વર્ક્સ અંગે જરૂરી સ્પષ્ટતા મેળવ્યા બાદ કમિટીએ જવાબોને સંતોષકારક ગણાવીને SIPને મંજૂરી આપી હતી.

ઉત્તર પ્રદેશઃ ₹240.40 કરોડ

ઉત્તર પ્રદેશના મેરઠ ITI ક્લસ્ટર માટે નેશનલ સ્કિલ ડેવલપમેન્ટ કોર્પોરેશન (NSDC) દ્વારા રજૂ કરાયેલા SIPને પણ મંજૂરી આપવામાં આવી છે.

આ ક્લસ્ટરમાં:

• હબ: સરકારી ITI, સાકેત, મેરઠ

• સ્પોક: સરકારી ITI ગાઝિયાબાદ

• સ્પોક: સરકારી ITI હાપુડ

• સ્પોક: સરકારી ITI ગૌતમ બુદ્ધ નગર

• સ્પોક: સરકારી ITI બાગપત

આ ક્લસ્ટર માટે ₹240.40 કરોડના રોકાણને મંજૂરી આપવામાં આવી છે.

ITIને આધુનિક બનાવવા ઉદ્યોગોની ભાગીદારી

આ ત્રણ ITI ક્લસ્ટર માટેની મંજૂરી PM-SETUના અમલીકરણમાં વધુ એક મહત્વપૂર્ણ સીમાચિહ્ન માનવામાં આવી રહી છે. PM-SETU હેઠળ Industry-led Hub-and-Spoke Cluster Model અપનાવવામાં આવ્યો છે.

આ મોડલ હેઠળ એક ITIને હબ તરીકે વિકસાવવામાં આવે છે અને તેની સાથે અનેક સ્પોક ITIને જોડવામાં આવે છે. આના કારણે ITIમાં આધુનિકીકરણ, ઈન્ફ્રાસ્ટ્રક્ચર વિકાસ અને ઉદ્યોગલક્ષી તાલીમને સંકલિત રીતે આગળ વધારી શકાય છે.

મંજૂર થયેલા રોકાણ હેઠળ ITIના ઈન્ફ્રાસ્ટ્રક્ચરનું આધુનિકીકરણ, હાલના ટ્રેડ્સનું અપગ્રેડેશન, નવા લોંગ-ટર્મ અને શોર્ટ-ટર્મ કોર્સ શરૂ કરવા તેમજ સંસ્થાકીય અને ઓપરેશનલ ક્ષમતાઓને મજબૂત બનાવવાની કામગીરી કરવામાં આવશે.

આ SIPને સંબંધિત રાજ્યની સ્ટિયરિંગ કમિટીઓ દ્વારા મૂલ્યાંકન અને ભલામણ કર્યા બાદ નેશનલ સ્ટિયરિંગ કમિટી સમક્ષ રજૂ કરવામાં આવ્યા હતા.

યુવાનોને ભવિષ્યલક્ષી કૌશલ્ય તાલીમ મળશે

PM-SETUના આ પ્રયાસોથી ITIની તાલીમ વ્યવસ્થાને બદલાતી ટેક્નોલોજી, ઉદ્યોગોની નવી જરૂરિયાતો અને ઉભરી રહેલી રોજગાર તકો સાથે જોડવામાં મદદ મળશે.

આધુનિક ઈન્ફ્રાસ્ટ્રક્ચર અને નવા કોર્સના કારણે યુવાનોને ઉદ્યોગની વાસ્તવિક જરૂરિયાતોને અનુરૂપ કૌશલ્ય પ્રાપ્ત કરવાની વધુ તકો મળશે. પરિણામે તેમની રોજગારક્ષમતા વધારવા અને ઉદ્યોગોને કુશળ માનવબળ ઉપલબ્ધ કરાવવામાં મદદ મળવાની અપેક્ષા છે.

શું છે PM-SETU યોજના?

Pradhan Mantri Skilling and Employability Transformation through Upgraded ITIs (PM-SETU) ભારત સરકારની મહત્વપૂર્ણ કૌશલ્ય વિકાસ યોજના છે. તેનો મુખ્ય હેતુ ઉદ્યોગોની ભાગીદારી, આધુનિક ઈન્ફ્રાસ્ટ્રક્ચર, અપગ્રેડેડ તાલીમ કાર્યક્રમો અને રોજગારક્ષમતા સુધારવા દ્વારા દેશના ITI ઈકોસિસ્ટમમાં પરિવર્તન લાવવાનો છે.

આ યોજના હેઠળ Industry-led અને Cluster-based approach અપનાવવામાં આવી છે. તેમાં એક હબ ITI સાથે સ્પોક ITIનું નેટવર્ક તૈયાર કરવામાં આવે છે, જેના દ્વારા સંકલિત રોકાણ, આધુનિકીકરણ અને ઉદ્યોગલક્ષી કૌશલ્ય તાલીમને પ્રોત્સાહન આપવામાં આવે છે.

(PIB ઇનપુટ્સ સાથે)