ઉત્તર પ્રદેશનાં રાજ્યપાલ આનંદીબહેન પટેલે 'એક પેડ મા કે નામ' અભિયાન કર્યું શરૂ

ઉત્તર પ્રદેશના રાજ્યપાલ આનંદીબેન પટેલે બારાબંકી જિલ્લાના કેન્ટ કેમ્પસમાં પીપળા, વડ અને લીમડાના છોડ વાવીને 'એક પેડ મા કે નામ 2.0'નો પ્રારંભ કરાવ્યો. આ પ્રસંગે, તેમણે આ અભિયાન પર આધારિત એક ટૂંકી ફિલ્મ પણ લોન્ચ કરી અને સ્વ-સહાય જૂથોની મહિલાઓને આંગણવાડી કીટ, પોષણ પોટલી, પ્રશસ્તિ પત્રો અને લીલા સોનાના પ્રમાણપત્રોનું વિતરણ કર્યું.

રાજ્યપાલે કહ્યું કે આ ફક્ત વૃક્ષારોપણ અભિયાન નથી, પરંતુ માતૃત્વના સન્માન સાથે સંબંધિત રાષ્ટ્રીય સંદેશ છે. તેમણે કહ્યું કે આપણા પૂર્વજોથકી વાવેલા વૃક્ષો આજે પણ આપણા માટે જીવન આપનાર છાંયો અને હવા પ્રદાન કરી રહ્યા છે. તેવી જ રીતે, આવનારી પેઢીઓ માટે લીલું અને સ્વચ્છ વાતાવરણ છોડવાની જવાબદારી આપણા બધાની છે.

મિયાવાકી પદ્ધતિથી વૃક્ષારોપણને પ્રોત્સાહન આપવા વિશે બોલતા, તેમણે કહ્યું કે જમીનની ઘટતી ઉપલબ્ધતા વચ્ચે તે એક અસરકારક પદ્ધતિ બની શકે છે. તેમણે ખેડૂતોથકી ખાનગી જમીન પર વૃક્ષારોપણ અને સરકાર દ્વારા પ્રજાતિઓની ઉપલબ્ધતાને આવક વધારનાર અને પ્રશંસનીય પગલાં ગણાવ્યા.

રાજ્યપાલે ટીબી નાબૂદી માટે પોષણ પેકેટના વિતરણને ભાવનાત્મક અને માનવીય પહેલ ગણાવી. તેમણે ઔદ્યોગિક એકમોને પણ સામાજિક સેવાના આ કાર્યમાં જોડાવા અને ટીબી મુક્ત ભારત અભિયાનને સફળ બનાવવા અપીલ કરી.

તેમણે નાગરિકોને પર્યાવરણ સંરક્ષણ માટે વ્યક્તિગત પ્રયાસો કરવા અપીલ કરી, જેમ કે પેટ્રોલ-ડીઝલ વાહનોને બદલે સાયકલનો ઉપયોગ કરવો, પાણી અને હવા સંરક્ષણની ટેવ અપનાવવી અને છોડની નિયમિત સંભાળ રાખવી. આ પ્રસંગે, રાજ્યપાલે ચોમાસા પછી વાવેલા છોડની નિયમિત સંભાળ રાખવાની જરૂરિયાત પર ખાસ ભાર મૂક્યો અને કહ્યું કે વાવેતરની સાથે તેમનું રક્ષણ પણ એટલું જ મહત્વપૂર્ણ છે.

ખાદ્ય અને લોજિસ્ટિક્સ રાજ્યમંત્રી સતીશ ચંદ્ર શર્માએ જણાવ્યું કે બારાબંકીને એક દિવસમાં 60 લાખ છોડ વાવવાનો લક્ષ્યાંક મળ્યો છે, જે એક મોટી સિદ્ધિ છે. જિલ્લા મેજિસ્ટ્રેટ શશાંક ત્રિપાઠીએ પણ રાજ્યપાલનો આભાર માન્યો અને તેમના માર્ગદર્શનને પ્રેરણાદાયક ગણાવ્યું.