કાશી તમિલ સંગમ આજથી શરૂ,મુખ્યમંત્રી યોગી આદિત્યનાથ આપશે હાજરી

તમિલનાડુ અને કાશી (વારાણસી) વચ્ચેના પ્રાચીન સાંસ્કૃતિક, ભાષાકીય અને આધ્યાત્મિક સંબંધોને પુનર્જીવિત કરવાના ઉદ્દેશથી કાશી તમિલ સંગમમ્ની ચોથી આવૃત્તિ આજથી, મંગળવાર,2 ડિસેમ્બરથી શરૂ થઈ રહી છે.

આ કાર્યક્રમ આ વર્ષે 2 ડિસેમ્બરથી 15 ડિસેમ્બર સુધી ચાલશે.આ વર્ષના કાર્યક્રમની થીમ "ચાલો તમિલ શીખીએ" છે.ઉત્તર અને દક્ષિણ ભારતની સંસ્કૃતિઓ અને પરંપરાઓને જોડવાનું માધ્યમ બનવું.ચોથી આવૃત્તિની શરૂઆત વારાણસીમાં થશે.કાર્યક્રમનો સમાપન સમારોહ રામેશ્વરમમાં યોજાશે, જે ઉત્તર અને દક્ષિણ છેડાને પ્રતીકાત્મક રીતે જોડશે.

ઉત્તર પ્રદેશના મુખ્યમંત્રી યોગી આદિત્યનાથે આ કાર્યક્રમને 'એક ભારત-શ્રેષ્ઠ ભારત'ની જીવંત અભિવ્યક્તિ ગણાવી છે.તેમણે જણાવ્યું કે પ્રધાનમંત્રી નરેન્દ્ર મોદીના માર્ગદર્શન હેઠળ 'નવું ભારત' વૈદિક અને સાંસ્કૃતિક ચેતનાના શિખર પર છે.આ વર્ષના કાર્યક્રમમાં લોક સંગીત, પરંપરાગત ખાદ્ય મેળાઓ અને મંદિર-વારસાના પ્રવાસોનો સમાવેશ થશે.કાર્યક્રમમાં તમિલનાડુ અને ઉત્તર પ્રદેશ બંનેની યુનિવર્સિટીઓ, સાંસ્કૃતિક સંસ્થાઓ અને સરકારી વિભાગોની મજબૂત ભાગીદારીની અપેક્ષા છે.ખાસ ધ્યાન ઉત્તરીય રાજ્યોના વિદ્યાર્થીઓને જોડવા પર કેન્દ્રિત કરવામાં આવ્યું છે.