કેન્દ્રીય ગૃહ સચિવ ગોવિંદ મોહને NFSUની મુલાકાત લીધી

કેન્દ્રીય ગૃહ સચિવ ગોવિંદ મોહનએ ગૃહ મંત્રાલયના સંયુક્ત સચિવ પ્રશાંત લોખંડે અને સંયુક્ત સચિવ અનિલ સુબ્રમણ્યમ સાથે નેશનલ ફોરેન્સિક સાયન્સિસ યુનિવર્સિટી (NFSU), ગાંધીનગરની 16 જાન્યુઆરી 2025ના રોજ મુલાકાત લીધી હતી. તેમણે NFSUના કુલપતિ ડૉ. જે.એમ. વ્યાસ સાથે ફોરેન્સિક વિજ્ઞાનમાં પ્રગતિ અને રાષ્ટ્રીય સુરક્ષા સહિત વિષયો પર NFSUની વર્તમાન અને ભવિષ્યની ભૂમિકા અંગે વિસ્તૃત ચર્ચા કરી હતી.

કેન્દ્રીય ગૃહ સચિવ ગોવિંદ મોહનએ ગૃહ મંત્રાલયના સંયુક્ત સચિવ પ્રશાંત લોખંડે અને સંયુક્ત સચિવ અનિલ સુબ્રમણ્યમ સાથે નેશનલ ફોરેન્સિક સાયન્સિસ યુનિવર્સિટી (NFSU), ગાંધીનગરની 16 જાન્યુઆરી 2025ના રોજ મુલાકાત લીધી હતી. તેમણે NFSUના કુલપતિ ડૉ. જે.એમ. વ્યાસ સાથે ફોરેન્સિક વિજ્ઞાનમાં પ્રગતિ અને રાષ્ટ્રીય સુરક્ષા સહિત વિષયો પર NFSUની વર્તમાન અને ભવિષ્યની ભૂમિકા અંગે વિસ્તૃત ચર્ચા કરી હતી.

મુલાકાત દરમિયાન કેન્દ્રીય ગૃહ સચિવ તથા સંયુક્ત સચિવોને NFSU દ્વારા ડિઝાઇન કરાયેલી સ્વદેશી ઉપકરણો દર્શાવવામાં આવ્યા હતા. જેમાં મોબાઇલ ફોરેન્સિક વાન, સાયબર કિઓસ્ક, NDPS ડ્રગ ટેસ્ટિંગ કીટ વગેરેનો સમાવેશ થાય છે. કેન્દ્રીય ગૃહ સચિવે ફોરેન્સિક શિક્ષણ અને સંશોધનમાં અસાધારણ યોગદાન અને નોંધપાત્ર પ્રગતિ માટે નેશનલ ફોરેન્સિક સાયન્સિસ યુનિવર્સિટી ની પ્રશંસા કરી હતી.

NFSUના કુલપતિ, ડૉ. જે.એમ. વ્યાસે જણાવ્યું હતું કે પ્રધાનમંત્રી નરેન્દ્ર મોદી અને માનનીય કેન્દ્રીય ગૃહ મંત્રી અમિત શાહના દૂરંદેશી નેતૃત્વ હેઠળ, વર્તમાન સમયમાં NFSU ફોરેન્સિક સાયન્સ ક્ષેત્રે ક્ષમતા- નિર્માણમાં વિશ્વના 92 દેશોને મદદ કરી રહ્યું છે. નેશનલ ફોરેન્સિક સાયન્સિસ યુનિવર્સિટી ફોજદારી ન્યાય પ્રણાલીને સહાય પૂરી પાડવા માટે ફોરેન્સિક સ્વદેશી ઉત્પાદનો માટે રીસર્ચ અને ઇનોવેશન ક્ષેત્રે પણ ઉત્તમ કામગીરી કરી રહી છે.

NFSU- ગાંધીનગરના કેમ્પસ ડાયરેક્ટર પ્રો. (ડૉ.) એસ.ઓ. જુનારે એ NFSUની વિવિધ પ્રવૃત્તિઓ અને યોગદાન પર વિગતવાર પ્રેઝન્ટેશન આપ્યું હતું. તેમણે જણાવ્યું હતું કે વિશ્વની સૌપ્રથમ અને એકમાત્ર ફોરેન્સિક સાયન્સિસ યુનિવર્સિટી એવી NFSUના કુલપતિ અને પદ્મશ્રીથી સન્માનિત, ડૉ. જે.એમ. વ્યાસના માર્ગદર્શન હેઠળ દેશ અને વિદેશમાં ફોરેન્સિક ક્ષમતાઓને મજબૂત કરવા માટે કટિબદ્ધ છે.

કેન્દ્રીય ગૃહ સચિવ અને બંને સંયુક્ત સચિવોએ NFSU કેમ્પસ સ્થિત વિવિધ અત્યાધુનિક માળખાગત સુવિધાઓ જેમ કે સેન્ટર ઓફ એક્સેલન્સ ઇન સાયબર સિક્યોરિટી, બેલિસ્ટિક્સ રીસર્ચ સેન્ટર એન્ડ ટેસ્ટિંગ રેન્જ, સેન્ટર ઓફ એક્સેલન્સ ઇન ડીએનએ ફોરેન્સિક્સ અને સેન્ટર ઓફ એક્સેલન્સ ઇન ડિજિટલ ફોરેન્સિક્સની પણ મુલાકાત લીધી હતી અને સેન્ટર ઓફ એક્સેલન્સ નિહાળીને અત્યંત પ્રભાવિત થયા હતા. આ મુલાકાત દરમિયાન, સી.ડી. જાડેજા, એક્ઝિક્યુટિવ રજિસ્ટ્રાર- NFSU; પ્રો. (ડૉ.) નવીન કુમાર ચૌધરી, કેમ્પસ ડાયરેક્ટર- NFSU-ગોવા; પ્રો. (ડૉ.) પૂર્વી પોખરિયાલ, કેમ્પસ ડાયરેક્ટર- NFSU- દિલ્હી અને NFSUના અન્ય વરિષ્ઠ અધિકારીઓ ઉપસ્થિત રહ્યા હતા.