કેરળ, પંજાબ અને ઉત્તર પ્રદેશમાં પેટાચૂંટણીની તારીખ બદલાઈ,13ને બદલે 20મી નવેમ્બરે મતદાન થશે

ચૂંટણી પંચે ત્રણ રાજ્યોની 14 વિધાનસભા બેઠકો પરની પેટાચૂંટણી સંબંધિત મતદાનની તારીખોમાં ફેરફાર કર્યો છે. હવે આ બેઠકો પર 13 નવેમ્બરના બદલે 20 નવેમ્બરે મતદાન થશે.

ચૂંટણી પંચે માહિતી આપી હતી કે તેને વિવિધ માન્યતા પ્રાપ્ત રાષ્ટ્રીય અને રાજ્ય સ્તરના રાજકીય પક્ષો અને કેટલાક સામાજિક સંગઠનો તરફથી 13 નવેમ્બરે યોજાનારી પેટાચૂંટણીમાં કેટલીક વિધાનસભા ક્ષેત્રોમાં મતદાનની તારીખ બદલવા માટે રજૂઆતો મળી છે. છે. તે દિવસે મોટા પાયે સામાજિક, સાંસ્કૃતિક અને ધાર્મિક કાર્યક્રમો યોજાશે. આનાથી મોટી સંખ્યામાં લોકોને અસુવિધા થઈ શકે છે, વિવિધ સિસ્ટમ સંબંધિત સમસ્યાઓ ઊભી થઈ શકે છે અને મતદાન દરમિયાન મતદારોની ભાગીદારી ઘટી શકે છે. 

આ પરિબળો અને રજૂઆતોને ધ્યાનમાં લીધા પછી, પંચે 14 બેઠકો પર મતદાનની તારીખ 13 નવેમ્બર (બુધવાર) થી બદલીને 20 નવેમ્બર કરવાનો નિર્ણય લીધો છે. નોંધનીય છે કે 15 ઓક્ટોબરે ચૂંટણી પંચે 15 રાજ્યોની 48 વિધાનસભા સીટ અને 2 સંસદીય સીટો માટે પેટાચૂંટણીની જાહેરાત કરી હતી. જેમાં મહારાષ્ટ્રની નાંદેડ લોકસભા સીટ અને ઉત્તરાખંડની કેદારનાથ વિધાનસભા સીટ સિવાયની તમામ પેટાચૂંટણી માટે મતદાનની તારીખ 13 નવેમ્બર (બુધવાર) નક્કી કરવામાં આવી હતી.