કોરોનાના કેસમાં ઘટાડો, સક્રિય કેસ ઘટીને 2086 થયા

છેલ્લા 2 અઠવાડિયાથી દેશભરમાં કોરોના વાયરસના સક્રિય કેસોની સંખ્યા ઘટી રહી છે. છેલ્લા 24 કલાકમાં 30 નવા કેસ નોંધાયા હતા, જ્યારે 252 દર્દીઓ સ્વસ્થ થયા છે. સક્રિય કેસોની સંખ્યા ઘટીને 2086 થઈ ગઈ છે. 12 જૂને દેશભરમાં 7131 સક્રિય કેસ હતા.

આરોગ્ય વિભાગના જણાવ્યા અનુસાર, જાન્યુઆરી 2025 થી કોરોનાના નવા પ્રકારને કારણે 142 લોકોના મોત થયા છે. છેલ્લા એક દિવસમાં 3 લોકોએ જીવ ગુમાવ્યા છે, જેમાં દિલ્હીના 2 અને હરિયાણાના એક દર્દીનો સમાવેશ થાય છે. છેલ્લા એક મહિનામાં લગભગ 135 મૃત્યુ થયા છે.

ઉત્તર પ્રદેશ સરકારે કોવિડ-19 ના વધતા જતા કેસોને ધ્યાનમાં રાખીને સાવચેતી રાખવા સૂચનાઓ જારી કરી છે. ઉચ્ચ આરોગ્ય અધિકારીઓએ તમામ હોસ્પિટલોને આવશ્યક દવાઓ, પીપીઈ કીટ, પરીક્ષણ સુવિધાઓ, આઇસોલેશન બેડ, ઓક્સિજન સિલિન્ડર, આઈસીયુ અને વેન્ટિલેટર તૈયાર રાખવા જણાવ્યું છે.