નવી દિલ્હીમાં ભારત-નામિબિયા વિદેશ કાર્યાલય પરામર્શ (FOC)ની 5મી બેઠક યોજાઈ

નવી દિલ્હીમાં ભારત-નામિબિયા વિદેશ કાર્યાલય પરામર્શ (FOC)ની 5મી બેઠક યોજાઈ

ભારત અને નામિબિયા વચ્ચેના રાજદ્વારી સંબંધોને વધુ મજબૂત બનાવવાના હેતુથી 19-20 જાન્યુઆરી, 2026ના રોજ નવી દિલ્હીમાં 5મી ભારત-નામિબિયા વિદેશ કાર્યાલય સલાહકાર (FOC) બેઠક યોજાઈ હતી. આ બેઠકમાં બંને દેશોએ પરસ્પર હિત ધરાવતા અનેક મુદ્દાઓ પર ઊંડાણપૂર્વક ચર્ચા કરી હતી.

બંને પક્ષોએ વર્તમાન દ્વિપક્ષીય સંબંધોની વ્યાપક સમીક્ષા કરી હતી અને વેપાર, રોકાણ અને સંરક્ષણ જેવા ક્ષેત્રોમાં થયેલી પ્રગતિ પર સંતોષ વ્યક્ત કર્યો હતો. પરસ્પર સંમત ક્ષેત્રોમાં વિકાસલક્ષી ભાગીદારીને વધુ વિસ્તૃત કરવા પર ભાર મૂકવામાં આવ્યો હતો. જેમાં ટેકનોલોજી ટ્રાન્સફર અને ક્ષમતા વર્ધક કાર્યક્રમોનો સમાવેશ થાય છે. બેઠક દરમિયાન આરોગ્ય, શિક્ષણ, ઉર્જા અને કૃષિ જેવા મહત્વના પાસાઓ પર રચનાત્મક ચર્ચાઓ કરવામાં આવી હતી.

ભારત અને નામિબિયા ઐતિહાસિક રીતે ગાઢ સંબંધો ધરાવે છે. આ બેઠક આફ્રિકન દેશો સાથે ભારતના વધતા જતા સહયોગ અને 'ગ્લોબલ સાઉથ'ના અવાજને મજબૂત કરવાની દિશામાં એક મહત્વનું પગલું માનવામાં આવે છે. બેઠકના અંતે બંને દેશોએ આંતરરાષ્ટ્રીય મંચો પર એકબીજાને સહકાર આપવાની પ્રતિબદ્ધતા પણ દોહરાવી હતી.