નાગપુરમાં પોલીસે 10 વિસ્તારોમાં કર્ફ્યુ કર્યો જાહેર, કાયદો અને વ્યવસ્થા જાળવવા કરી અપીલ

ર્ફ્યુનું ઉલ્લંઘન કરનાર કોઈપણ વ્યક્તિ સામે કાર્યવાહી કરવામાં આવશે

મહારાષ્ટ્રના નાગપુરના 10 પોલીસ સ્ટેશન વિસ્તારોમાં બે જૂથો વચ્ચે હિંસક અથડામણ બાદ કર્ફ્યુ લાદવામાં આવ્યો છે. અધિકારીઓએઆ માહિતી આપતા જણાવ્યું કે, કોટવાલી, ગણેશપેઠ, લાકડાગંજ, પચપૌલી, શાંતિ નગર, સક્કરદરા, નંદનવન, ઇમામબારા, યશોધરા નગર અને કપિલ નગર પોલીસ સ્ટેશન વિસ્તારોમાં કર્ફ્યુ લાદવામાં આવ્યો છે. નાગપુર પોલીસ કમિશનર ડૉ. રવિન્દર કુમાર સિંઘલે એક આદેશ જારી કરીને કહ્યું કે આ કર્ફ્યુ મધ્યરાત્રિથી અમલમાં આવ્યો છે અને આગામી આદેશો સુધી ચાલુ રહેશે.

ર્ફ્યુનું ઉલ્લંઘન કરનાર કોઈપણ વ્યક્તિ સામે કાર્યવાહી કરવામાં આવશે

અસરગ્રસ્ત વિસ્તારોમાં કાયદો અને વ્યવસ્થા જાળવવા માટે પોલીસને રસ્તાઓ બંધ કરવાનો અધિકાર આપવામાં આવ્યો છે. કર્ફ્યુનું ઉલ્લંઘન કરનાર કોઈપણ વ્યક્તિ સામે ભારતીય દંડ સંહિતાની કલમ 223 હેઠળ કાર્યવાહી કરવામાં આવશે. પોલીસ કમિશનરે કહ્યું, "હાલમાં પરિસ્થિતિ શાંત છે. એક ફોટો સળગાવવામાં આવ્યો હતો, ત્યારબાદ લોકો એકઠા થઈ ગયા હતા. અમે આ ભીડને વિખેરવાનો પ્રયાસ કર્યો છે અને આ સંદર્ભે કાર્યવાહી કરી છે. આરોપીઓ સામે કડક કાર્યવાહી કરવામાં આવશે. 

અફવાઓ પર વિશ્વાસ ન કરવા અને કાયદો પોતાના હાથમાં ન લેવા અપીલ

હાલમાં, પોલીસે મોટા પાયે સર્ચ ઓપરેશન શરૂ કર્યું છે અને અત્યાર સુધીમાં પથ્થરમારો, તોડફોડ અને પોલીસ અને ફાયર કર્મચારીઓ પર હુમલામાં સંડોવાયેલા 50 લોકોની ધરપકડ કરવામાં આવી છે. પોલીસ, SRPF અને RAF ના જવાનોની મોટી ટીમ તૈનાત કરવામાં આવી છે. ડેપ્યુટી પોલીસ કમિશનર સહિત એક ડઝનથી વધુ પોલીસકર્મીઓ ઘાયલ થયા છે. મુખ્યમંત્રી દેવેન્દ્ર ફડણવીસ, જેઓ પરિસ્થિતિ પર સતત નજર રાખી રહ્યા છે. તેમણે લોકોને પોલીસને સહયોગ આપવા અપીલ કરી છે અને કાયદો અને વ્યવસ્થા અને શાંતિ જાળવવા સલાહ આપી છે. તેમણે નાગપુરના નાગરિકોને અફવાઓ પર વિશ્વાસ ન કરવા અને કાયદો પોતાના હાથમાં ન લેવા અપીલ પણ કરી છે.