નાગરિક ઉડ્ડયન મંત્રી રામ મોહન નાયડુએ એરલાઇન કામગીરી અંગે સમીક્ષા કરી

એર ઇન્ડિયાના CMD મંત્રીને મળ્યા; ચર્ચા કામગીરીની સાતત્ય જાળવવા, પારદર્શક સંદેશાવ્યવહાર અને મુસાફરોની સલામતી અને સુવિધાને ટેકો આપવા પર કેન્દ્રિત હતી,સ્પાઇસ જેટ, ઇન્ડિગો અને અકાસા સાથે પણ બેઠકો યોજાઈ; મંત્રીશ્રીએ કાફલાની કામગીરી, સલામતી દેખરેખ અને મુસાફરોની સુવિધાની સમીક્ષા કરી

અમદાવાદ નજીક એર ઇન્ડિયાની ફ્લાઇટ સાથે જોડાયેલી તાજેતરની કમનસીબ ઘટનાને ધ્યાનમાં રાખીને, નાગરિક ઉડ્ડયન મંત્રાલયે સલામતી, મુસાફરોની સુવિધા અને એરલાઇન કામગીરીની વ્યાપક સમીક્ષા હાથ ધરી છે.નાગરિક ઉડ્ડયન મંત્રી શ્રી રામ મોહન નાયડુ કિંજારપુએ અકસ્માત પછીની તપાસ, હવામાનમાં ફેરફાર, ભૂ-રાજકીય તણાવને કારણે ચોક્કસ એરસ્પેસ બંધ કરવા વગેરે જેવા અનેક કારણોસર ફ્લાઇટ્સના સમયપત્રકમાં ફેરફારને ધ્યાનમાં રાખીને ગ્રાઉન્ડ-લેવલ તૈયારીઓ અને મુસાફરોને સહાયતા પદ્ધતિઓની સમીક્ષા કરવા માટે દેશભરના તમામ એરપોર્ટ ડિરેક્ટરો સાથે વિગતવાર વિડિઓ કોન્ફરન્સ બોલાવી હતી.

બેઠકમાં મુસાફરોની સમસ્યાઓનું ઝડપથી અને સ્થળ પર નિરાકરણ આવે તે સુનિશ્ચિત કરવા માટે એરલાઇન્સ સાથે ગાઢ સંપર્ક પર ભાર મૂકવામાં આવ્યો હતો.ખાસ કરીને ફ્લાઇટમાં વિલંબ અથવા ભીડ દરમિયાન, ટર્મિનલ્સ પર ખોરાક, પીવાના પાણી અને પૂરતી બેઠક સુવિધાઓની ઉપલબ્ધતા સુનિશ્ચિત કરવાનો નિર્દેશ કરાયો.સાથેજ પૂરતા કર્મચારીઓ તૈનાત કરવા,એરપોર્ટ ડિરેક્ટરોને વિનંતી કરવામાં આવી હતી કે તેઓ ઓપરેશનલ અવરોધોનો સામનો કરી રહેલી એરલાઇન્સને શક્ય તેટલી તમામ સહાય પૂરી પાડે, જેમાં ગેટ રિએસાઇનમેન્ટ અને લોજિસ્ટિકલ સપોર્ટનો સમાવેશ,તથા સલામત અને સુરક્ષિત એરપોર્ટ વાતાવરણ જાળવવા માટે, એરપોર્ટ ડિરેક્ટરોને પક્ષીઓ અને રખડતા પ્રાણીઓના નિવારણ સહિત વન્યજીવન જોખમ વ્યવસ્થાપનને મજબૂત બનાવવાનો નિર્દેશ આપવામાં આવ્યો હતો.

નાગરિક ઉડ્ડયન મંત્રીએ એર ઇન્ડિયાના ચેરમેન અને મેનેજિંગ ડિરેક્ટર સાથે ઉચ્ચ સ્તરીય બેઠક કાર્યકારી સાતત્ય જાળવવું,જનતા સાથે પારદર્શક અને જવાબદાર સંદેશાવ્યવહારને ટેકો આપવો અને મુસાફરોની સલામતી અને સુવિધાના ત્રણ મહત્વપૂર્ણ પાસાઓ પર કેન્દ્રિત હતી:બેઠકમાં નોંધવામાં આવ્યું હતું કે મધ્ય પૂર્વમાં બદલાતી પરિસ્થિતિ, વધેલી સલામતી તપાસ અને યુરોપમાં રાત્રિ ઉડાન પર પ્રતિબંધને કારણે, એર ઇન્ડિયાને વિમાનોની ઉપલબ્ધતામાં ઘટાડો થઈ રહ્યો છે. પરિણામે, તેઓ કામચલાઉ ધોરણે કામગીરી ઘટાડશે, ફ્લાઇટ્સનું પુનર્ગઠન કરશે અને મીડિયા દ્વારા ફેરફારોની જાહેરાત કરશે. અસરગ્રસ્ત મુસાફરોને ફરીથી બુક કરવામાં આવશે અથવા સંપૂર્ણ રિફંડ આપવામાં આવશે. એર ઇન્ડિયાને એરપોર્ટ પર તેમના ગ્રાઉન્ડ-લેવલ સંકલનને મજબૂત બનાવવા, રદ/વિલંબ અંગે મુસાફરો સાથે વાતચીત સુધારવા અને ગ્રાહક સેવા ટીમોને સંવેદનશીલ અને સહાનુભૂતિ અને સ્પષ્ટતા સાથે મુસાફરોની વધતી ચિંતાઓને સંભાળવા માટે સજ્જ કરવા વિનંતી કરવામાં આવી હતી

નાંધનીય છે કે 18 અને 19 જૂનના રોજ સ્પાઇસ જેટ, ઇન્ડિગો અને અકાસાના વરિષ્ઠ મેનેજમેન્ટ સાથે પણ બેઠકો યોજાઈ હતી. માનનીય મંત્રીએ ફ્લીટ કામગીરી, સલામતી દેખરેખ, મુસાફરોના અનુભવ અને સુવિધા અને એરલાઇન સંદેશાવ્યવહાર વ્યૂહરચનાની સમીક્ષા કરી હતી.વધુ સારી દેખરેખ અને સંકલન માટે એરલાઇન્સ સાથે કાર્યકારી બાબતો પર સમયાંતરે સમીક્ષા કરવાની પ્રથાને સંસ્થાકીય બનાવવાનો પણ નિર્ણય લેવામાં આવ્યો.

AAIB તપાસ અંગે અપડેટ

• એરક્રાફ્ટ એક્સિડન્ટ ઇન્વેસ્ટિગેશન બ્યુરો (AAIB) એ અમદાવાદ નજીક એર ઇન્ડિયાના ફ્લાઇટ ક્રેશની ઔપચારિક તપાસ શરૂ કરી છે.
• AAIB ની એક બહુ-શાખાકીય ટીમે 12 જૂન 2025થી તપાસ શરૂ કરી છે. AAIBના DG દ્વારા તપાસનો આદેશ આપવામાં આવ્યો છે. ICAO પ્રોટોકોલ અનુસાર NTSB અને OEM ટીમો AAIB ને મદદ કરવા માટે પહોંચી ગઈ છે.
• 13 જૂન 2025ના રોજ ક્રેશ સ્થળ પરથી ડિજિટલ ફ્લાઇટ ડેટા રેકોર્ડર (DFDR) અને કોકપિટ વોઇસ રેકોર્ડર (CVR)નું સંયુક્ત યુનિટ મળી આવ્યું હતું અને 16 જૂનના રોજ બીજો સેટ મળી આવ્યો હતો. વિમાનના આ મોડેલમાં બે બ્લેકબોક્સનો સેટ છે.
• સ્થાનિક સત્તાવાળાઓ અને એજન્સીઓના તમામ જરૂરી સમર્થન સાથે AAIB તપાસ સતત આગળ વધી રહી છે. સ્થળ દસ્તાવેજીકરણ અને પુરાવા સંગ્રહ સહિત મુખ્ય પુનઃપ્રાપ્તિ કાર્ય પૂર્ણ થઈ ગયું છે, અને વધુ વિશ્લેષણ હવે ચાલુ છે.
• મંત્રાલય ચાલુ તપાસમાં સંપૂર્ણ પારદર્શિતા માટે પ્રતિબદ્ધ છે અને મુસાફરોની સલામતી અને સુવિધાના ઉચ્ચતમ ધોરણોના વ્યાપક હિતમાં, તમામ ફરજિયાત પ્રોટોકોલ અને ધોરણોનું પાલન કરશે.
• મંત્રીએ મુસાફરોના વિશ્વાસને જાળવી રાખવા અને વર્ષોથી ભારતીય ઉડ્ડયનનો પાયો રહેલા ઓપરેશનલ સ્થિરતા લાવવા માટે એક સંકલિત અને પ્રતિભાવશીલ ટીમ તરીકે સાથે મળીને કામ કરવાના મહત્વ પર ભાર મૂક્યો.
• કેટલાક મીડિયા આઉટલેટ્સમાં એવા અહેવાલો આવ્યા છે કે દુર્ભાગ્યપૂર્ણ AI171 ફ્લાઇટમાંથી CVR/DFDR ને પુનઃપ્રાપ્તિ અને વિશ્લેષણ માટે વિદેશ મોકલવામાં આવી રહ્યું છે. ફ્લાઇટ રેકોર્ડર્સને ડીકોડ કરવા માટેના સ્થાન અંગેનો નિર્ણય AAIB દ્વારા તમામ તકનીકી, સલામતી અને સુરક્ષા બાબતોના યોગ્ય મૂલ્યાંકન પછી લેવામાં આવશે. નાગરિક ઉડ્ડયન મંત્રાલય તમામ હિસ્સેદારોને આવા સંવેદનશીલ મુદ્દાઓ પર અટકળોથી દૂર રહેવા અને તપાસ પ્રક્રિયાને ગંભીરતા અને વ્યાવસાયિકતા સાથે આગળ વધવા દેવા વિનંતી કરે છે.

સરકાર નાગરિક ઉડ્ડયનના તમામ પાસાઓમાં સલામતીના ઉચ્ચતમ ધોરણો સુનિશ્ચિત કરવા માટે પ્રતિબદ્ધ છે. મુસાફરોની સલામતી અને આરામ એ નાગરિક ઉડ્ડયન મંત્રાલયની સર્વોચ્ચ પ્રાથમિકતા છે.