નાસિક નજીક ભયાનક અકસ્માત: 1000 ફૂટ ઊંડી ખીણમાં કાર ખાબકતા 6 શ્રદ્ધાળુઓના કરૂણ મોત

નાસિક નજીક ભયાનક અકસ્માત: 1000 ફૂટ ઊંડી ખીણમાં કાર ખાબકતા 6 શ્રદ્ધાળુઓના કરૂણ મોત

મહારાષ્ટ્રના નાસિક નજીક એક માર્ગ અકસ્માતમાં 6 શ્રદ્ધાળુઓના કરૂણ મૃત્યુ થયા છે. મળતી માહિતી મુજબ, શ્રદ્ધાળુઓને લઈ જતી એક કાર અનિયંત્રિત થઈને 1000 ફૂટ ઊંડી ખીણમાં ખાબકી હતી, જેના કારણે આ ગમખ્વાર ઘટના બની હતી.

કારમાં સવાર તમામ 6 શ્રદ્ધાળુઓના ઘટનાસ્થળે જ મૃત્યુ થયા હતા. અકસ્માતની જાણ થતા જ સ્થાનિક વહીવટી તંત્ર અને બચાવ ટીમો ઘટનાસ્થળે પહોંચી હતી.

મુખ્યમંત્રી અને પ્રધાનમંત્રીએ વ્યક્ત કરી સંવેદના

આ દુર્ઘટના પર મહારાષ્ટ્રના મુખ્યમંત્રી દેવેન્દ્ર ફડણવીસે ગહન સંવેદના વ્યક્ત કરી છે. મુખ્યમંત્રીએ મૃતકોના પરિવારજનોને રૂ. 5-5 લાખની આર્થિક સહાય આપવાની જાહેરાત કરી છે.

આ ઉપરાંત, દેશના પ્રધાનમંત્રી નરેન્દ્ર મોદીએ પણ આ દુઃખદ ઘટના અંગે શોક વ્યક્ત કર્યો હતો અને દિવંગત આત્માઓની શાંતિ માટે પ્રાર્થના કરી હતી.