પ્રધાનમંત્રી ઈ-ડ્રાઈવ યોજના હેઠળ 1634.62 કરોડની સબસિડીનું વિતરણ

પ્રધાનમંત્રી ઈ-ડ્રાઈવ યોજના હેઠળ, 23 નવેમ્બર, 2025 સુધીમાં 1634.62 કરોડનું વિતરણ કરવામાં આવ્યું છે.પ્રધાનમંત્રી ઈ-ડ્રાઈવ યોજના હેઠળ ઈ-એમ્બ્યુલન્સ માટે 500 કરોડની ફાળવણી કરવામાં આવી છે.

ઈ-એમ્બ્યુલન્સ માટે માર્ગદર્શિકા સૂચિત કરવા માટે હિસ્સેદારો સાથે પરામર્શ કરવામાં આવ્યો છે.અન્ય શ્રેણીઓ સહિત ઈ-એમ્બ્યુલન્સ માટે આ યોજના 31-03-2028 સુધી લંબાવવામાં આવી છે. જોકે, ઈ-ટુ-વ્હીલર્સ અને ઈ-થ્રી-વ્હીલર્સ માટેની અંતિમ તારીખ 31-03-2026  સુધી રહેશે. ભારે ઉદ્યોગ રાજ્ય મંત્રી ભૂપતિરાજુ શ્રીનિવાસ વર્માએ મંગળવારે લોકસભામાં એક પ્રશ્નના લેખિત જવાબમાં આ માહિતી આપી હતી.પ્રધાનમંત્રી ઈ-ડ્રાઈવ યોજના હેઠળ, ઇલેક્ટ્રિક વ્હીકલ પબ્લિક ચાર્જિંગ ઈન્ફ્રાસ્ટ્રક્ચર (EVPCI) ની સ્થાપના માટે 2,000 કરોડ ફાળવવામાં આવ્યા છે. 23 નવેમ્બર 2025 સુધીમાં EVPCI ની સ્થાપના માટે કોઈ ગ્રાન્ટ ફાળવવામાં આવી નથી. બે ઓઈલ માર્કેટિંગ કંપનીઓએ પીએમ ઈ-ડ્રાઈવ યોજના હેઠળ EVPCI ની સ્થાપનામાં રસ દર્શાવતા પ્રસ્તાવો રજૂ કર્યા છે.

પ્રધાનમંત્રી ઈ-ડ્રાઈવ યોજના હેઠળ, મુંબઈને 1,500 ઈ-બસ અને દિલ્હીને 2,800 ઈ-બસ ફાળવવામાં આવી છે. મહારાષ્ટ્રમાં, પુણેને મુંબઈ ઉપરાંત 1,000 ઈ-બસ ફાળવવામાં આવી છે.ઉપયોગ અને પહોંચ સુનિશ્ચિત કરવા માટે, પીએમ ઈ-ડ્રાઈવ યોજના હેઠળ EV ચાર્જિંગ ઈન્ફ્રાસ્ટ્રક્ચર માટે માર્ગદર્શિકા સૂચિત કરવામાં આવી છે અને રાજ્ય સરકારો અને કેન્દ્રશાસિત પ્રદેશો સાથે શેર કરવામાં આવી છે.