પ્રધાનમંત્રી નરેન્દ્ર મોદીએ ફોક્સકોનના ચેરમેન સાથે મુલાકાત કરી

પ્રધાનમંત્રી નરેન્દ્ર મોદીએ બુધવારે હોન હૈ ટેક્નોલોજી ગ્રુપ (ફોક્સકોન તરીકે ઓળખાય છે)ના સીઈઓ અને ચેરમેન યાંગ લિયુ સાથે મુલાકાત કરી અને આર્ટિફિશિયલ ઈન્ટેલિજન્સ (AI), સેમિકન્ડક્ટર્સ, સ્થાનિક ઈલેક્ટ્રોનિક્સ મેન્યુફેક્ચરિંગ જેવા 'ભવિષ્યના ઉભરતા ક્ષેત્રો' વિશે ચર્ચા કરી.

તાઇવાનની ટેક્નોલોજી જાયન્ટ ફોક્સકોન, જે એપલની મોટી સપ્લાયર છે, દેશમાં તેની ફેક્ટરીઓમાંથી લગભગ 65 ટકા આઇફોન નિકાસ કરે છે.

પ્રધાનમંત્રીએ સોશિયલ મીડિયા પ્લેટફોર્મ 'X' પર એક પોસ્ટમાં કહ્યું:

“Hon Hai Technology Group (Foxconn)ના અધ્યક્ષ યંગ લિયુ સાથે મુલાકાત અદ્ભુત રહી. ભવિષ્યવાદી ક્ષેત્રોમાં ભારત જે અદ્ભુત તકો પ્રદાન કરે છે તે મેં ઉજાગર કર્યું. અમે કર્ણાટક, તમિલનાડુ અને આંધ્રપ્રદેશ જેવા રાજ્યોમાં ભારતમાં તેમની રોકાણ યોજનાઓ પર પણ ઉત્તમ ચર્ચા કરી હતી.

આ વર્ષે જાન્યુઆરીમાં પદ્મ ભૂષણથી નવાજાયેલા લિયુએ કહ્યું હતું કે, તેઓ ભારત સરકાર તરફથી એવોર્ડ પ્રાપ્ત કરીને "અત્યંત સન્માનિત" અનુભવે છે.

ફોક્સકોન, જે વૈશ્વિક સ્તરે લગભગ 70 ટકા આઇફોન બનાવે છે, તે દેશમાં સ્થાનિક ઉત્પાદન માટે ભારે રોકાણ કરી રહી છે.

લિયુના જણાવ્યા અનુસાર, સરકારના સુધારા અને નીતિઓએ દેશમાં સમગ્ર ઈલેક્ટ્રોનિક્સ મેન્યુફેક્ચરિંગ ઈકોસિસ્ટમના વિકાસ માટે વિશાળ તકો ઊભી કરી છે અને ભવિષ્યમાં ઉત્પાદનની દ્રષ્ટિએ ભારત ખૂબ જ મહત્વપૂર્ણ દેશ છે.

વધુમાં, ફોક્સકોન ભારતમાં $1.54 બિલિયનનું રોકાણ કરવાની યોજના ધરાવે છે.

તમિલનાડુમાં ફોક્સકોનની આઇફોન ફેક્ટરી 40,000 થી વધુ લોકોને રોજગારી આપે છે અને તેણે રાજ્યમાં નવા ઇલેક્ટ્રોનિક્સ કમ્પોનન્ટ યુનિટમાં રૂ. 1,600 કરોડનું રોકાણ કરવા માટે સોદો કર્યો છે, જે 6,000 નોકરીઓનું સર્જન કરશે.

કંપની તેલંગાણામાં તેની ઉત્પાદન સુવિધામાં વધારાના રૂ. 3,300 કરોડનું રોકાણ કરશે. આનાથી રાજ્યમાં કંપનીનું કુલ રોકાણ રૂ. 4,550 કરોડથી વધુ થઈ જશે.

આઈફોનની આગેવાની હેઠળ, ભારતમાંથી ઈલેક્ટ્રોનિક સામાનની નિકાસમાં છેલ્લા 10 વર્ષમાં ભારે વૃદ્ધિ જોવા મળી છે. દેશનું લક્ષ્ય નાણાકીય વર્ષ 2026 સુધીમાં $300 બિલિયનના એકંદર ઇલેક્ટ્રોનિક્સ ઉત્પાદન સુધી પહોંચવાનું છે.