પ્રધાનમંત્રી નરેન્દ્ર મોદીની આજે ઝારખંડના બોકારો અને ગુમલામાં ચૂંટણી સભા

પ્રધાનમંત્રી નરેન્દ્ર મોદી આજે ઝારખંડમાં રોડ શો કરશે અને બે ચૂંટણી રેલીઓને સંબોધશે. પ્રધાનમંત્રી નરેન્દ્ર મોદીપણ અઠવાડિયામાં બીજી વાર ઝારખંડની મુલાકાત લેશે. 

પ્રધાનમંત્રી આજે બપોરે 1 વાગ્યે બોકારોમાં રેલીને સંબોધિત કરશે અને ચંદનકિયારીથી ભાજપના ઉમેદવાર અમર કુમાર બૌરી માટે પ્રચાર કરશે. તે પછી, તેઓ બપોરે 3.15 વાગ્યે ગુમલામાં બીજી રેલીને સંબોધશે અને ગુમલાથી ભાજપના ઉમેદવાર સુદર્શન ભગત માટે મત માંગશે. પ્રધાનમંત્રી નરેન્દ્ર મોદી રાંચીમાં રોડ શો કરશે.

રોડ શો ઓટીસી ગ્રાઉન્ડથી સાંજે 5.15 કલાકે શરૂ થશે અને ન્યુ માર્કેટ ચોક ખાતે સમાપ્ત થશે. આ રોડ શો લગભગ 3 કિલોમીટરનો હશે. આ રોડ શોમાં ભાજપના અનેક વરિષ્ઠ નેતાઓ પણ ભાગ લેશે. તે પાંચ વિધાનસભા મતવિસ્તારોમાંથી પસાર થશે.

આ પહેલા પ્રધાનમંત્રી નરેન્દ્ર મોદી આજે બપોરે 12.00 વાગ્યે રાંચીના બિરસા મુંડા એરપોર્ટ પહોંચશે. તેઓ એરપોર્ટથી સીધા બોકારો પહોંચશે. પ્રધાનમંત્રી સાંજે 7:00 વાગ્યે રાંચીથી વિશેષ વિમાન દ્વારા દિલ્હી માટે રવાના થશે. ઉલ્લેખનીય છે કે  81 સભ્યોની ઝારખંડ વિધાનસભા માટે 13 નવેમ્બર અને 20 નવેમ્બરે મતદાન થશે, જ્યારે મતગણતરી 23 નવેમ્બરે થશે.