પ્રધાનમંત્રી નરેન્દ્ર મોદી સંસદ ભવનના બાલયોગી ઓડિટોરિયમમાં ફિલ્મ ધ સાબરમતી રિપોર્ટ નિહાળશે

આ ફિલ્મ જૂઠાણા અને ભ્રામક તથ્યોને ઉજાગર કરે છે

પ્રધાનમંત્રી નરેન્દ્ર મોદી સંસદ ભવનના બાલયોગી ઓડિટોરિયમમાં સોમવારે સાંજે 7 વાગ્યે લોકસભા અધ્યક્ષ ઓમ બિરલા સાથે ફિલ્મ ધ સાબરમતી રિપોર્ટ નિહાળશે. આ પહેલા પ્રધાનમંત્રીએ પણ આ ફિલ્મના વખાણ કર્યા હતા. આ ફિલ્મ ગોધરાની ઘટના પર આધારિત છે. આ ફિલ્મમાં એક્ટર વિક્રાંત મેસી લીડ રોલમાં છે. જેમણે હાલમાં એક્ટિંગમાંથી નિવૃત્તિ લેવાની જાહેરાત કરી છે.

પ્રધાનમંત્રી નરેન્દ્ર મોદીએ પણ તેની પ્રશંસા કરી હતી

ફિલ્મ ધ સાબરમતી રિપોર્ટને 15 નવેમ્બરે સિનેમાઘરોમાં રિલીઝ કરવામાં આવી હતી. ફિલ્મ રીલિઝ થતાં જ પ્રધાનમંત્રી નરેન્દ્ર મોદીએ પણ તેની પ્રશંસા કરી હતી. આ અંગે તેમણે પોતાના સોશિયલ મીડિયા પર પોસ્ટ કરી હતી નકલી વર્ણન માત્ર થોડા સમય માટે જ ચાલે છે. અંતે, હકીકતો બહાર આવે છે. સાથે જ કેન્દ્રીય ગૃહમંત્રી અમિત શાહે પણ આ ફિલ્મના વખાણ કર્યા છે. 

આ ફિલ્મ જૂઠાણા અને ભ્રામક તથ્યોને ઉજાગર કરે છે

આ ફિલ્મ વિશે કેન્દ્રીય ગૃહમંત્રી અમિત શાહે X પર કહ્યું હતું કે, ધ સાબરમતી રિપોર્ટની ટીમને મળ્યો અને સત્ય બહાર લાવવાની તેમની હિંમત બદલ અભિનંદન પણ આપ્યા. આ ફિલ્મ જૂઠાણા અને ભ્રામક તથ્યોને ઉજાગર કરે છે અને સત્યને બહાર લાવે છે. જે રાજકીય હિતોને પૂરા કરવા માટે લાંબા સમયથી દબાવી દેવામાં આવ્યું હતું.

મુખ્યમંત્રી મોહન યાદવે પણ આ ફિલ્મને ટેક્સ ફ્રી કરી હતી

આ પહેલા પ્રધાનમંત્રી નરેન્દ્ર મોદીએ લોકોને આ ફિલ્મ જોવાની અપીલ કરી હતી. આ પછી ભાજપના ટોચના નેતૃત્વએ તમામ સાંસદો અને ધારાસભ્યોને ફિલ્મ બતાવવાની સૂચના આપી હતી. તે જ સમયે, મધ્યપ્રદેશના મુખ્યમંત્રી મોહન યાદવે પણ આ ફિલ્મને ટેક્સ ફ્રી કરી હતી, જેથી વધુને વધુ લોકો તેને જોઈ શકે.