બ્રિટનમાં એર ટ્રાફિક કંટ્રોલની ખામીથી એર ઈન્ડિયાની ફ્લાઈટ્સ સેવા ખોરવાઈ

બ્રિટનની મુખ્ય એર ટ્રાફિક કંટ્રોલ પ્રોવાઈડર સંસ્થા NATS (National Air Traffic Control Services) ની સિસ્ટમમાં સર્જાયેલી ગંભીર ટેકનિકલ ખામીના કારણે યુકેના એરપોર્ટ્સ પર હવાઈ સેવાઓ ખરાબ રીતે પ્રભાવિત થઈ છે. આ સિસ્ટમ ફેલ્યોરની સીધી અસર એર ઈન્ડિયાની ફ્લાઈટ્સ પર પણ પડી છે, જેના કારણે એર ઈન્ડિયાને પોતાની અનેક આંતરરાષ્ટ્રીય ફ્લાઈટ્સ ડાયવર્ટ, કેન્સલ કે મોડી કરવી પડી છે.

બ્રિટનની મુખ્ય એર ટ્રાફિક કંટ્રોલ પ્રોવાઈડર સંસ્થા NATS (National Air Traffic Control Services) ની સિસ્ટમમાં સર્જાયેલી ગંભીર ટેકનિકલ ખામીના કારણે યુકેના એરપોર્ટ્સ પર હવાઈ સેવાઓ ખરાબ રીતે પ્રભાવિત થઈ છે. આ સિસ્ટમ ફેલ્યોરની સીધી અસર એર ઈન્ડિયાની ફ્લાઈટ્સ પર પણ પડી છે, જેના કારણે એર ઈન્ડિયાને પોતાની અનેક આંતરરાષ્ટ્રીય ફ્લાઈટ્સ ડાયવર્ટ, કેન્સલ કે મોડી કરવી પડી છે.

• એર ઈન્ડિયાનું નિવેદન: સોશિયલ મીડિયા પ્લેટફોર્મ 'X' પર માહિતી આપતા એર ઈન્ડિયાએ જણાવ્યું કે, યુકેના એરપોર્ટ્સ પર સર્જાયેલી આ અરાજકતાના કારણે યુકે આવતી અને ત્યાંથી જતી ફ્લાઈટ્સના શેડ્યૂલમાં મોટા ફેરફારો કરવા પડ્યા છે.

• ક્રૂ અને એircraft અસ્તવ્યસ્ત: આ અચાનક થયેલા વિક્ષેપના કારણે વિમાનો અને ક્રૂ મેમ્બર્સ યોગ્ય સ્થળે ઉપલબ્ધ ન રહેતા (Out of position) તેની અસર એર ઈન્ડિયાની અન્ય સેવાઓ પર પણ પડી શકે છે. એરલાઈને મુસાફરોને એરપોર્ટ જતા પહેલા તેમની ફ્લાઈટનું સ્ટેટસ અચૂક ચેક કરવાની સલાહ આપી છે.

• બ્રિટનમાં વ્યાપક અસર: ફ્લાઈટ ટ્રેકિંગ ડેટા અનુસાર, બ્રિટનભરમાં આ ટેકનિકલ ખામીને કારણે 1000થી વધુ ફ્લાઈટ્સ રદ કરવામાં આવી છે. લંડનના હીથ્રો (Heathrow), એડિનબર્ગ અને મેન્ચેસ્ટર સહિતના મુખ્ય એરપોર્ટ્સ પર ભારે ધસારો અને અફરાતફરી જોવા મળી છે.

• NATS સ્પષ્ટતા: NATS એ જણાવ્યું કે તેની ફ્લાઈટ પ્રોસેસિંગ સિસ્ટમમાં ટેકનિકલ પ્રોબ્લેમ સર્જાયો હતો. જોકે, બાદમાં ટેકનિકલ ટીમ દ્વારા ખામીને સુધારી લેવામાં આવી છે અને સિસ્ટમ સામાન્ય થઈ રહી છે, પરંતુ ફ્લાઈટ્સનો મોટો બેકલોગ (વિલંબિત ઉડાનોનું લિસ્ટ) સાફ કરવામાં સમય લાગશે.

આંતરરાષ્ટ્રીય સ્તરે પણ જોવા મળી અસર:

બ્રિટન અને આયર્લેન્ડ વચ્ચેની ફ્લાઈટ્સ પણ આનાથી પ્રભાવિત થઈ છે, જેથી ડબલિન એરપોર્ટે પણ મુસાફરોને યુકેની આવન-જાવન કરતી સેવાઓ પ્રભાવિત થવાની ચેતવણી આપી હતી. બ્રિટિશ એરવેઝે પણ સ્વીકાર્યું છે કે આ રાષ્ટ્રીય એર ટ્રાફિક સિસ્ટમની ખામીના કારણે તેમની ઓપરેશનલ કામગીરીને મોટો ફટકો પડ્યો છે.