ભારતમાં ગૂગલની 'એન્ડ્રોઇડ ઇમરજન્સી લોકેશન સર્વિસ' કાર્યરત: યુપી આ સુવિધા આપનારું પ્રથમ રાજ્ય બન્યુ

ટેક જાયન્ટ ગૂગલે ભારતમાં એન્ડ્રોઇડ સ્માર્ટફોન વપરાશકર્તાઓ માટે તેની અત્યંત ઉપયોગી ઇમરજન્સી લોકેશન સર્વિસ (ELS) સક્રિય કરી દીધી છે.

આ ટેકનોલોજીના અમલીકરણ સાથે જ ઉત્તર પ્રદેશ, 112 ઇમરજન્સી સેવા સાથે આ સુવિધાને સંપૂર્ણપણે સંકલિત કરનાર દેશનું પ્રથમ રાજ્ય બની ગયું છે.ELS એ એન્ડ્રોઇડ ફોનમાં પહેલેથી જ ઉપલબ્ધ એક ફીચર છે, જે કટોકટીના સમયે મદદ મેળવવા માટે ગેમ-ચેન્જર સાબિત થઈ શકે છે.જ્યારે કોઈ વ્યક્તિ 112 પર કોલ કે SMS કરે છે, ત્યારે તેનું સચોટ લોકેશન આપમેળે ઇમરજન્સી રિસ્પોન્ડર્સ (પોલીસ કે એમ્બ્યુલન્સ) ને મળી જાય છે.આ સેવા GPS, Wi-Fi અને મોબાઇલ નેટવર્ક સિગ્નલોનો સંયુક્ત ઉપયોગ કરીને લગભગ 50 મીટરની ચોકસાઈ સાથે લોકેશન ટ્રેક કરે છે.આ સિસ્ટમ એન્ડ્રોઇડના મશીન લર્નિંગ આધારિત 'ફ્યુઝ્ડ લોકેશન પ્રોવાઇડર' દ્વારા સંચાલિત છે, જે ઘરની અંદર કે બહાર - તમામ સ્થિતિમાં સચોટ માહિતી આપે છે.ગૂગલે સ્પષ્ટ કર્યું છે કે આ સુવિધા યુઝર્સની પ્રાઈવસીને ધ્યાનમાં રાખીને બનાવવામાં આવી છે:

લોકેશન ડેટા સીધો ઇમરજન્સી સર્વિસને મોકલવામાં આવે છે. ગૂગલ આ ડેટાને પોતાના સર્વર પર એકત્રિત કે સંગ્રહિત કરતું નથીઆ સેવા ત્યારે જ સક્રિય થાય છે જ્યારે યુઝર ઇમરજન્સી નંબર પર કોલ કે મેસેજ કરે.આ સુવિધા વાપરવા માટે કોઈ અલગ એપ ડાઉનલોડ કરવાની જરૂર નથી અને તે તદ્દન મફત છે.યુપીમાં આ સેવાના પાઇલટ પ્રોજેક્ટ દરમિયાન 2 કરોડથી વધુ ઇમરજન્સી કોલ્સ અને SMS ને સપોર્ટ મળ્યો હતો. ઘણા કિસ્સાઓમાં કોલ કનેક્ટ થઈને તરત જ કપાઈ ગયા હોવા છતાં, ELS ટેકનોલોજીને કારણે પોલીસ સમયસર લોકેશન પર પહોંચવામાં સફળ રહી હતી.આ સેવા એન્ડ્રોઇડ 6.0 (Marshmallow) અને તેનાથી ઉપરના તમામ વર્ઝન ધરાવતા સ્માર્ટફોન પર ઉપલબ્ધ રહેશે. 112 પર કોલ કરતાની સાથે જ પર્ટસોલ (Pertsol) દ્વારા પૂરી પાડવામાં આવતી ઇન્ટેલિજન્સ નક્કી કરશે કે કઈ સેવા (પોલીસ, ફાયર કે મેડિકલ) ને તાત્કાલિક ઘટનાસ્થળે મોકલવી.આ ટેકનોલોજીના કારણે કટોકટીના સમયે પ્રતિભાવ આપવાનો સમય (Response Time) ઘટશે અને અનેક લોકોના જીવ બચાવી શકાશે.