મન કી બાત: PM મોદીએ ભગવાન બુદ્ધના ઉપદેશોના મહત્વ પર પ્રકાશ પાડ્યો

પ્રધાનમંત્રી નરેન્દ્ર મોદીએ રવિવારે 'મન કી બાત'ના 133માં એપિસોડમાં ભગવાન ગૌતમ બુદ્ધના વિચારો અને તેમના જીવન સંદેશ વિશે વાત કરી હતી. તેમણે દક્ષિણ અમેરિકાના ચિલીમાં એક સંસ્થાનો પણ ઉલ્લેખ કર્યો જે ભગવાન બુદ્ધના વિચારોને આગળ વધારવાનું કામ કરી રહી છે.

તેમણે કહ્યું કે ભગવાન બુદ્ધનો સંદેશ આજે પણ એટલો જ પ્રાસંગિક છે, જેટલો હજારો વર્ષ પહેલાં હતો.
પીએમ મોદીએ કહ્યું, "ભગવાન બુદ્ધે આપણને શીખવ્યું છે કે શાંતિ આપણી અંદરથી શરૂ થાય છે." તેમણે એમ પણ જણાવ્યું કે સ્વયં પર વિજય એ જ સૌથી મોટી જીત છે.

પીએમ મોદીએ આગળ કહ્યું કે આજે દુનિયા જે રીતે તણાવ અને સંઘર્ષોમાંથી પસાર થઈ રહી છે, આવા સમયે બુદ્ધના વિચારો વધુ મહત્વપૂર્ણ બની ગયા છે.

પ્રધાનમંત્રીએ પોતાના સંબોધનમાંએ પણ જણાવ્યું કે દક્ષિણ અમેરિકાના ચિલીમાં એક સંસ્થા ભગવાન બુદ્ધના વિચારોને આગળ વધારવાનું કામ કરી રહી છે. આ સંસ્થા લદ્દાખમાં જન્મેલા દ્રુબપોન ઓત્ઝર રિનપોછેના માર્ગદર્શન હેઠળ કામ કરી રહી છે.

પીએમ મોદીએ કહ્યું કે આ સંસ્થા ધ્યાન અને કરુણાને લોકોના જીવન સાથે જોડી રહી છે. ચિલીની કોચીગુઆઝ ખીણમાં બનેલો સ્તૂપ લોકોને શાંતિ અને સુકૂનનો અનુભવ કરાવે છે, જ્યાં મોટી સંખ્યામાં લોકો પહોંચે છે.

જણાવી દઈએ કે બુદ્ધ પૂર્ણિમા, જેને વૈશાખ પૂર્ણિમા પણ કહેવામાં આવે છે, તે બૌદ્ધ ધર્મનો સૌથી મહત્વનો તહેવાર છે. આ દિવસ ભગવાન બુદ્ધના જીવનની ત્રણ મુખ્ય ઘટનાઓ (જન્મ, જ્ઞાન પ્રાપ્તિ (બોધિ) અને મહાપરિનિર્વાણ)ની યાદમાં ઉજવવામાં આવે છે.

ઈતિહાસ મુજબ, ભગવાન બુદ્ધનો જન્મ ઈ.સ. પૂર્વે 563માં નેપાળના લુમ્બિનીમાં વૈશાખ પૂર્ણિમાના દિવસે થયો હતો. આ પછી વર્ષોની કઠિન તપસ્યા બાદ તેમને બોધગયામાં બોધિ વૃક્ષ નીચે જ્ઞાન પ્રાપ્ત થયું અને તેઓ સિદ્ધાર્થમાંથી બુદ્ધ બન્યા. 80 વર્ષની વયે તેમણે કુશીનગરમાં આ જ દિવસે મહાપરિનિર્વાણ પ્રાપ્ત કર્યું હતું.