રાજ્યસભાની 9 રાજ્યોની 12 બેઠકો પર પેટાચૂંટણીની જાહેરાત

ચૂંટણી પંચે રાજ્યસભાની 12 ખાલી બેઠકો માટે જાહેરનામું બહાર પાડ્યું છે. પંચ દ્વારા જાહેર કરાયેલા નોટિફિકેશન મુજબ 3 સપ્ટેમ્બરે ચૂંટણી યોજાશે.

રાજ્યસભાની 12 બેઠકો માટે 3 સપ્ટેમ્બરે યોજાનારી ચૂંટણી માટે નોમિનેશનની છેલ્લી તારીખ 21 ઓગસ્ટ છે. ઉમેદવારી પત્રોની ચકાસણી 21 ઓગસ્ટે થશે, નામાંકન પરત ખેંચવાની છેલ્લી તારીખ 26 અને 27 ઓગસ્ટ છે. 

તમને જણાવી દઈએ કે, 9 રાજ્યોમાં રાજ્યસભાની 12 બેઠકો પર ચૂંટણી થવાની છે.

ચૂંટણી પંચની સૂચના અનુસાર રાજ્યસભાના સભ્યોની ચૂંટણી માટે 14 ઓગસ્ટે નોટિફિકેશન બહાર પાડવામાં આવશે. નોટિફિકેશન જાહેર થયા બાદ નોમિનેશન પ્રક્રિયા શરૂ થશે. નામાંકન માટેની છેલ્લી તારીખ 21મી ઓગસ્ટ રાખવામાં આવી છે, ઉમેદવારી પત્રોની ચકાસણી 22મી ઓગસ્ટે થશે.

આ પછી, જો કોઈ ઉમેદવાર પોતાનું નામાંકન પાછું ખેંચવા માંગે છે, તો તે 27 ઓગસ્ટ સુધી કરી શકે છે. 3 સપ્ટેમ્બરે સવારે 8 વાગ્યાથી સાંજે 4 વાગ્યા સુધી મતદાન થશે અને તે જ દિવસે સાંજે 5 વાગ્યે ચૂંટણીના પરિણામો જાહેર કરવામાં આવશે.

નોંધનીય છે કે, રાજ્યસભાના સભ્યો આસામ, મહારાષ્ટ્ર અને બિહારની બે બેઠકો પર અને હરિયાણા, મધ્ય પ્રદેશ, રાજસ્થાન, ત્રિપુરા, તેલંગાણા અને ઓડિશામાં એક-એક બેઠક પર ચૂંટાવાના છે. મધ્યપ્રદેશ, રાજસ્થાન, હરિયાણા, આસામ અને ઓડિશામાં ભાજપના ઉમેદવારોની જીતની અપેક્ષા છે. વાસ્તવમાં આ રાજ્યોમાં ભાજપની સરકાર છે અને પક્ષની સંખ્યાત્મક તાકાત તેની તરફેણમાં વધુ છે.