રાષ્ટ્રપતિ, ઉપરાષ્ટ્રપતિ અને લોકસભા અધ્યક્ષે દેશવાસીઓને ઇસ્ટરની શુભેચ્છાઓ પાઠવી

રાષ્ટ્રપતિ દ્રૌપદી મુર્મુ, ઉપરાષ્ટ્રપતિ સી.પી. રાધાકૃષ્ણન અને લોકસભા અધ્યક્ષ ઓમ બિરલાએ રવિવારે રાષ્ટ્રને ઇસ્ટરની શુભેચ્છાઓ પાઠવી. રાષ્ટ્રપતિએ કહ્યું, "ઈસ્ટર પર આપ સૌને હાર્દિક શુભેચ્છાઓ ! ભગવાન ઈસુ ખ્રિસ્તના પુનરુત્થાનનો આ પવિત્ર પ્રસંગ આપણને સત્ય, પ્રેમ, કરુણા, બલિદાન અને ક્ષમાના મૂલ્યોને સ્વીકારવા પ્રેરણા આપે છે. આ દિવસે, ચાલો આપણે સંવાદિતા, શાંતિ અને ભાઈચારાને પ્રોત્સાહન આપવા અને સારા ભવિષ્ય માટે સાથે મળીને કામ કરવાનો સંકલ્પ કરીએ."

ઉપરાષ્ટ્રપતિએ કહ્યું કે, ઈસુ ખ્રિસ્તનું જીવન અને ઉપદેશો પ્રેમ, બલિદાન, ક્ષમા અને સેવા જેવા શાશ્વત મૂલ્યોને પ્રતિબિંબિત કરે છે. આ પવિત્ર પ્રસંગ આપણી આશાને નવી બનાવે.

ઓમ બિરલાએ કહ્યું, "ભગવાનની કૃપાથી, આ સુંદર દિવસ તમારા જીવનમાં નવી શરૂઆત લાવે. તે તમારી શ્રદ્ધાને મજબૂત બનાવે અને તમને ખુશી, શાંતિ અને અસંખ્ય આશીર્વાદોથી ભરી દે."

કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ કહ્યું કે, આ ઇસ્ટરનો દિવસ કરુણાને પ્રેરણા આપે, ભાઈચારાના બંધનને મજબૂત બનાવે અને ઉજ્જવળ, વધુ આશાસ્પદ ભવિષ્યનો માર્ગ મોકળો કરે.

લોકસભાના વિપક્ષી નેતા રાહુલ ગાંધીએ કહ્યું કે, આ ખાસ પ્રસંગ તમારા જીવનને ખુશી, સંવાદિતા અને સમૃદ્ધિથી ભરી દે.