રાષ્ટ્રપતિ દ્રૌપદી મુર્મુ આજે હરિયાણામાં 37મા સૂરજકુંડ આંતરરાષ્ટ્રીય હસ્તકલા મેળા 2024નું ઉદ્ઘાટન કરશે

આ મેળામાં લગભગ 50 દેશો ભાગ લેશે

રાષ્ટ્રપતિ દ્રૌપદી મુર્મુ આજે હરિયાણાના ફરીદાબાદમાં 37મા સૂરજકુંડ આંતરરાષ્ટ્રીય હસ્તકલા મેળા 2024નું ઉદ્ઘાટન કરશે. આ મેળામાં હસ્તકલા, હાથશાળ અને ભારતના સાંસ્કૃતિક વારસાની સમૃદ્ધિ અને વિવિધતા દર્શાવવામાં આવશે. આ મેળામાં લગભગ 50 દેશો ભાગ લેશે.

આ દેશોમાં ઈથોપિયા, ઘાના, કેન્યા, નામીબિયા, નાઈજીરીયા, યુગાન્ડા, ઝિમ્બાબ્વે, મોરેશિયસ, મ્યાનમાર, નેપાળ, રશિયા, શ્રીલંકાનો સમાવેશ થાય છે. આ મેળો 18 ફેબ્રુઆરી સુધી સામાન્ય જનતા માટે ખુલ્લો રહેશે.

તાંઝાનિયા પાર્ટનર રાષ્ટ્ર તરીકે સૂરજ કુંડ મેળામાં ભાગ લેશે. ગુજરાત એ થીમ સ્ટેટ છે, જે પ્રદેશના વિવિધ કલા સ્વરૂપો અને હસ્તકલા દ્વારા તેની અનન્ય સંસ્કૃતિ અને સમૃદ્ધ વારસાને પ્રદર્શિત કરશે.

પ્રવાસીઓ સવારે 10 થી રાત્રે 8 વાગ્યા સુધી મેળાની મુલાકાત લઈ શકશે. કોર્પોરેટ સામાજિક જવાબદારીની પહેલ તરીકે, સૂરજકુંડ મેળા ઓથોરિટી વિકલાંગ વ્યક્તિઓ, વરિષ્ઠ નાગરિકો અને સેવા આપતા સંરક્ષણ કર્મચારીઓ અને ભૂતપૂર્વ સૈનિકોને પ્રવેશ ટિકિટ પર 50 ટકા ડિસ્કાઉન્ટ આપશે.