રાષ્ટ્રપતિ દ્રૌપદી મુર્મુ મારુ બંગાળ વ્યસન મુક્ત બંગાળ અભિયાનનો કરાવ્યો શુભારંભ

રાષ્ટ્રપતિ દ્રૌપદી મુર્મુએ આજે પશ્ચિમ બંગાળની મુલાકાત દરમિયાન મારું બંગાળ નશામુક્ત બંગાળ અભિયાનનો શુભારંભ કરાવ્યો

રાષ્ટ્રપતિ દ્રૌપદી મુર્મુએ આજે પશ્ચિમ બંગાળની મુલાકાત દરમિયાન મારું બંગાળ નશામુક્ત બંગાળ અભિયાનનો શુભારંભ કરાવ્યો. આ સાથે જ રાષ્ટ્રપતિએ જણાવ્યું કે, આજના સમયમાં નશીલા પદાર્થનું સેવન દેશ અને સમાજ માટે ચિંતાનો વિષય છે. આપણા દેશના યુવાનો આ વ્યસનના કારણે સાચી દિશાની પસંદગી કરી શકતા નથી. આ ખૂબ ચિંતાજનક બાબત છે અને આ બાબતે તમામ મોરચા પર કામ કરવાની આવશ્યકતા છે.

રાષ્ટ્રપતિ ભારતીય નૌકાદળનું જહાજ- 3024 વિન્ધ્યાગિરીનું આજે શુભારંભ કરાવશે. વિન્ધ્યાગિરી જહાજનું નામ કર્ણાટકના પર્વત શ્રૃખંલાના નામ પરથી રાખવામાં આવ્યું છે. આ પ્રોજેક્ટના જહાજોને ભારતીય નૌકાદળના યુદ્ધ જહાજ ડિઝાઇન બ્યુરો દ્વારા આંતરિક રીતે ડિઝાઇન કરવામાં આવ્યા છે.

સંરક્ષણ મંત્રાલયના જણાવ્યા અનુસાર, 'વિંધ્યગિરિ' પ્રોજેક્ટ 17A ફ્રિગેટ્સનું છઠ્ઠું જહાજ છે. આ યુદ્ધ જહાજમાં સ્ટીલ્થ ફીચર્સ, અદ્યતન શસ્ત્રો અને સેન્સર્સ અને પ્લેટફોર્મ મેનેજમેન્ટ સિસ્ટમ્સ છે. નવનિર્મિત વિન્ધ્યાગિરી ભવિષ્યમાં સ્વદેશી રક્ષક ક્ષમતાને વધારે મજબૂતી પ્રદાન કરશે.