વૈશ્વિક અર્થતંત્રમાં ભારતનું મજબૂત પગલું: આંતરરાષ્ટ્રીય નાણાકીય ભંડોળ દ્વારા ભારતીય અર્થવ્યવસ્થાની પ્રશંસા

આંતરરાષ્ટ્રીય મુદ્રા કોષ (IMF) દ્વારા ભારતને વૈશ્વિક આર્થિક વિકાસનું એક મુખ્ય આધારબિંદુ ગણાવવામાં આવ્યું છે. આ નિવેદન ચાલુ નાણાકીય વર્ષના પ્રથમ ત્રિમાસિક ગાળામાં ભારતની અર્થવ્યવસ્થામાં 7.8% ની વૃદ્ધિ નોંધાયા બાદ સામે આવ્યું છે.

આંતરરાષ્ટ્રીય મુદ્રા કોષના સંચાર વિભાગના નિર્દેશક જુલી કોઝેકે જણાવ્યું હતું કે ભારતની અર્થવ્યવસ્થાએ અપેક્ષા કરતાં વધુ સારું પ્રદર્શન કર્યું છે, જેની મુખ્ય વજહ સેવાઓ અને નિકાસમાં થયેલો વધારો છે. તેમણે ઉમેર્યું કે આ વૃદ્ધિ એવા સમયે થઈ છે જ્યારે ઊર્જાની કિંમતોમાં વધારાની અસર અર્થવ્યવસ્થા પર પડી હતી.

શ્રીમતી કોઝેકે જણાવ્યું કે ભારતના નવા જીડીપી (સકલ ઘરેલુ ઉત્પાદ) આંકડાઓમાં ઔદ્યોગિક ઉત્પાદન અને ઉત્પાદક કિંમતો સાથે જોડાયેલા નવા ડેટાને પણ સામેલ કરવામાં આવ્યા છે, જેનાથી ભારતના જીડીપીના આંકડા વધુ સચોટ બનશે.

આંતરરાષ્ટ્રીય મુદ્રા કોષે જણાવ્યું છે કે તે વધતી તેલની કિંમોતોની ભારતીય અર્થવ્યવસ્થા પર પડતી અસર પર પણ નજર રાખી રહ્યું છે.કોઝેકે કહ્યું કે તેલની કિંમતો વધવાથી તેલની આયાત કરતા તમામ દેશો પર આર્થિક દબાણ વધે છે.