77મો પ્રજાસત્તાક પર્વ: આજે સાંજે રાષ્ટ્રપતિ દ્રૌપદી મુર્મૂ દેશને કરશે સંબોધિત

ભારત આવતીકાલે જ્યારે ગૌરવભેર તેનો ૭૭મો પ્રજાસત્તાક દિવસ ઉજવવા જઈ રહ્યો છે, ત્યારે આ પાવન પર્વની પૂર્વ સંધ્યાએ આજે દેશના રાષ્ટ્રપતિ દ્રૌપદી મુર્મૂ રાષ્ટ્રજોગ સંબોધન કરશે. આ વિશેષ સંબોધન આજે સાંજે ૭:૦૦ વાગ્યાથી આકાશવાણીના સમગ્ર નેટવર્ક અને દૂરદર્શનની તમામ ચેનલો પર પ્રસારિત કરવામાં આવશે. રાષ્ટ્રપતિના આ સંબોધન પર સમગ્ર દેશની નજર છે, કારણ કે તેમાં રાષ્ટ્રની એકતા, અખંડિતતા અને વિકાસનો ભાવ રહેલો હોય છે.

ભારત આવતીકાલે જ્યારે ગૌરવભેર તેનો ૭૭મો પ્રજાસત્તાક દિવસ ઉજવવા જઈ રહ્યો છે, ત્યારે આ પાવન પર્વની પૂર્વ સંધ્યાએ આજે દેશના રાષ્ટ્રપતિ દ્રૌપદી મુર્મૂ રાષ્ટ્રજોગ સંબોધન કરશે. આ વિશેષ સંબોધન આજે સાંજે ૭:૦૦ વાગ્યાથી આકાશવાણીના સમગ્ર નેટવર્ક અને દૂરદર્શનની તમામ ચેનલો પર પ્રસારિત કરવામાં આવશે. રાષ્ટ્રપતિના આ સંબોધન પર સમગ્ર દેશની નજર છે, કારણ કે તેમાં રાષ્ટ્રની એકતા, અખંડિતતા અને વિકાસનો ભાવ રહેલો હોય છે.

પોતાના સંબોધનમાં રાષ્ટ્રપતિ દ્રૌપદી મુર્મૂ ભારતીય લોકશાહીના પાયાના મૂલ્યો અને બંધારણે આપેલા અધિકારો વિશે ચર્ચા કરી શકે છે. આ વર્ષે 'વિકસિત ભારત ૨૦૪૭' ના વિઝન તરફ દેશ જે ગતિએ આગળ વધી રહ્યો છે, તેના પર પણ તેઓ વિશેષ ભાર મૂકે તેવી શક્યતા છે. ખાસ કરીને મહિલા સશક્તિકરણ, નારી શક્તિનો દેશના વિકાસમાં ફાળો અને સમાજના છેવાડાના માનવીના ઉત્થાન અંગેના તેમના વિચારો દેશવાસીઓ માટે પ્રેરણારૂપ બની રહેશે.

આ ઉપરાંત, દેશની સરહદોનું રક્ષણ કરતા જવાનો અને આંતરિક સુરક્ષામાં તૈનાત દળોના શૌર્ય અને બલિદાનને પણ રાષ્ટ્રપતિ આ અવસરે યાદ કરી બિરદાવશે. આ સંબોધન સૌ પ્રથમ હિન્દીમાં અને ત્યારબાદ અંગ્રેજી ભાષામાં પ્રસારિત થશે. ત્યારબાદ રાત્રે 8.00 વાગ્યાથી દૂરદર્શનની પ્રાદેશિક ચેનલો પર ગુજરાતી સહિતની તમામ સ્થાનિક ભાષાઓમાં આ સંબોધનનું પ્રસારણ કરવામાં આવશે. પ્રજાસત્તાક પર્વની આ ઉજવણી પૂર્વે રાષ્ટ્રપતિનું આ સંબોધન દેશવાસીઓમાં નવી ઊર્જા અને દેશભક્તિનો સંચાર કરશે.