PM મોદીએ રાજસ્થાનના ભીવાડીમાં બનેલી આગની દુર્ઘટના પર દુઃખ વ્યક્ત કર્યું

ભીવાડીમાં ખુશખેડા કરૌલી ઔદ્યોગિક વિસ્તારમાં આગ લાગી, દુર્ઘટનામાં ઘણા લોકોના મોત થયાની માહિતી.

PM નરેન્દ્ર મોદીએ સોમવારે રાજસ્થાનના ભીવાડીમાં થયેલી આગની દુર્ઘટના પર દુઃખ વ્યક્ત કર્યું છે. તેમણે પીડિતોના પરિવારજનો પ્રત્યે સંવેદના વ્યક્ત કરી હતી. 

PMOના સોશિયલ મીડિયા હેન્ડલ પર લખવામાં આવી હતી પોસ્ટ 

PM નરેન્દ્ર મોદીએ સોશિયલ મીડિયા પોસ્ટમાં શોક વ્યક્ત કરતાં લખ્યું કે, "રાજસ્થાનના ભીવાડીમાં લાગેલી આગ ખૂબ જ દુઃખદ છે. જેમણે પોતાના પ્રિયજનો ગુમાવ્યા છે તેમના પ્રત્યે મારી સંવેદના. તેમણે ઘાયલોના ઝડપથી સ્વસ્થ થવા માટે પ્રાર્થના કરી."

ખાનગી ઔદ્યોગિક એકમમાં અચાનક આગ લાગી

ઉલ્લેખનીય છે કે, રાજસ્થાનના ભીવાડીમાં ખુશખેડા કરૌલી ઔદ્યોગિક વિસ્તારમાં પ્લોટ નંબર G1/118Bમાં સોમવારે સવારે આગ લાગી હતી. ફાયર વિભાગના અધિકારક્ષેત્ર હેઠળ એક ખાનગી ઔદ્યોગિક એકમ કાર્યરત હતું. આ દુર્ઘટનામાં ઘણા લોકોના મોત થયાના અહેવાલ છે.