PM મોદી અને સાયપ્રસના રાષ્ટ્રપતિ વચ્ચે આજે હાઈ-લેવલ બેઠક ટ્રેડ અને ઇન્વેસ્ટમેન્ટ પર થશે મોટી ડીલ્સ!

ભારત અને સાયપ્રસ વચ્ચેના વ્યૂહાત્મક અને આર્થિક સંબંધોને એક નવી ઊંચાઈએ લઈ જવા માટે પ્રધાનમંત્રી નરેન્દ્ર મોદી અને સાયપ્રસના રાષ્ટ્રપતિ નિકોસ ક્રિસ્ટોડોલાઇડ્સ વચ્ચે આજે શુક્રવારે નવી દિલ્હીના હૈદરાબાદ હાઉસ ખાતે મહત્વની દ્વિપક્ષીય બેઠક યોજાશે. આ ઉચ્ચ સ્તરીય બેઠકમાં બંને દેશો વચ્ચે વ્યાપાર, રોકાણ, કનેક્ટિવિટી અને પ્રાદેશિક સુરક્ષા જેવા મહત્વના મુદ્દાઓ પર વ્યાપક ચર્ચા અને કરારો થવાની સંભાવના છે.

ભારત અને સાયપ્રસ વચ્ચેના વ્યૂહાત્મક અને આર્થિક સંબંધોને એક નવી ઊંચાઈએ લઈ જવા માટે પ્રધાનમંત્રી નરેન્દ્ર મોદી અને સાયપ્રસના રાષ્ટ્રપતિ નિકોસ ક્રિસ્ટોડોલાઇડ્સ વચ્ચે આજે શુક્રવારે નવી દિલ્હીના હૈદરાબાદ હાઉસ ખાતે મહત્વની દ્વિપક્ષીય બેઠક યોજાશે. આ ઉચ્ચ સ્તરીય બેઠકમાં બંને દેશો વચ્ચે વ્યાપાર, રોકાણ, કનેક્ટિવિટી અને પ્રાદેશિક સુરક્ષા જેવા મહત્વના મુદ્દાઓ પર વ્યાપક ચર્ચા અને કરારો થવાની સંભાવના છે. સાયપ્રસના રાષ્ટ્રપતિ ગુરુવારે રાષ્ટ્રીય પાટનગર નવી દિલ્હી ખાતે આવી પહોંચ્યા હતા, જ્યાં એરપોર્ટ પર કેન્દ્રીય માર્ગ પરિવહન અને ધોરીમાર્ગ રાજ્ય મંત્રી અજય ટામટા દ્વારા તેમનું ઉષ્માભર્યું સ્વાગત કરવામાં આવ્યું હતું. વિદેશ મંત્રાલય (MEA) દ્વારા સોશિયલ મીડિયા પ્લેટફોર્મ 'X' પર જણાવવામાં આવ્યું હતું કે, રાષ્ટ્રપતિ ક્રિસ્ટોડોલાઇડ્સને દિલ્હી આગમન પર ગાર્ડ ઓફ ઓનર સાથે ઔપચારિક ભવ્ય સ્વાગત આપવામાં આવ્યું હતું.

સંબંધોમાં નવો અધ્યાય: જૂન ૨૦૨૫ની મુલાકાતનો આગળ ધપાવાશે રોડમેપ
વિદેશ મંત્રાલયના જણાવ્યા અનુસાર, સાયપ્રસના રાષ્ટ્રપતિની આ મુલાકાત જૂન ૨૦૨૫માં પ્રધાનમંત્રી નરેન્દ્ર મોદીની સાયપ્રસની ઐતિહાસિક મુલાકાત દરમિયાન બનેલી મજબૂત કડીઓને વધુ દ્રઢ કરવા માટે આયોજિત કરવામાં આવી છે. દિલ્હીમાં વ્યસ્ત શિડ્યુલ દરમિયાન, સાયપ્રસના રાષ્ટ્રપતિ આજે રાષ્ટ્રપતિ દ્રૌપદી મુર્મુ સાથે મુલાકાત કરશે, જેઓ તેમના સન્માનમાં સત્તાવાર રાત્રિભોજ (બેન્ક્વેટ) નું આયોજન કરશે. આ ઉપરાંત, પીએમ મોદી સાથેની બેઠક પહેલા ભારતના વિદેશ મંત્રી ડૉ. એસ. જયશંકર પણ સાયપ્રસના રાષ્ટ્રપતિ સાથે વહેલી સવારે મુલાકાત કરીને એજન્ડાની સમીક્ષા કરી ચૂક્યા છે. સાયપ્રસના રાષ્ટ્રપતિએ પોતે આ મુલાકાતને બંને દેશોના "પહેલેથી જ ઉત્કૃષ્ટ" સંબંધો માટે "અત્યંત મહત્વપૂર્ણ" ગણાવી છે.

મુંબઈમાં વ્યાપારી કનેક્ટ: NSE બેલ વગાડ્યો
દિલ્હી પહોંચતા પહેલા સાયપ્રસના રાષ્ટ્રપતિ તેમના ઉચ્ચ સ્તરીય પ્રતિનિધિમંડળ (જેમાં સાયપ્રસના વિદેશ મંત્રી કોન્સ્ટેન્ટિનોસ કોમ્બોસ અને પરિવહન મંત્રી એલેક્સિસ વાફેડેસ સામેલ છે) સાથે દેશની આર્થિક રાજધાની મુંબઈની મુલાકાતે હતા.

નેશનલ સ્ટોક એક્સચેન્જ (NSE) ની મુલાકાત: ગુરુવારે મુંબઈમાં સાયપ્રસના રાષ્ટ્રપતિએ NSEના ચેરમેન શ્રીનિવાસ ઇન્જેટી અને MD-CEO આશિષકુમાર ચૌહાણની ઉપસ્થિતિમાં પરંપરાગત રીતે 'NSE ઇન્ડિયા બેલ' વગાડ્યો હતો.

રોકાણની નવી તકો: NSE કચેરીની મુલાકાત દરમિયાન ભારત અને સાયપ્રસ વચ્ચે નાણાકીય રોકાણ વધારવા અને બંને દેશોના અર્થતંત્રને મજબૂત કરવાના મુદ્દે લીડરશિપ ટીમ સાથે ગહન ચર્ચા થઈ હતી. યુરોપિયન યુનિયન (EU) ના મહત્વના સભ્ય એવા સાયપ્રસ સાથે ભારતના ગાઢ સંબંધો ભૌગોલિક-રાજકીય (Geopolitical) દ્રષ્ટિએ પણ પીએમ મોદીની વિદેશ નીતિનો એક મોટો માસ્ટરસ્ટ્રોક માનવામાં આવી રહ્યો છે.