PM મોદી 'ખેલો ઇન્ડિયા સંવાદ'થી ઓલિમ્પિક 2036ના વિઝન સાથે યુવાનોને જોડશે

નવી દિલ્હી: રાષ્ટ્રીય રમતગમત દિવસ 2026 ની પૂર્વસંધ્યાએ દેશના યુવાધન માટે એક મહત્વપૂર્ણ કાર્યક્રમનું આયોજન કરવામાં આવ્યું છે. વડાપ્રધાન શ્રી નરેન્દ્ર મોદી ગુરુવારે સવારે 11:00 વાગ્યે વીડિયો કોન્ફરન્સિંગના માધ્યમથી રાષ્ટ્રવ્યાપી ‘ખેલો ઇન્ડિયા સંવાદ’ (ખેલ કી બાત, પ્રધાનમંત્રી મોદી કે સાથ) નો પ્રારંભ કરાવશે. ‘મેરા યુવા ભારત’ (MY Bharat) મંચ દ્વારા સંચાલિત આ વિશેષ પહેલનો મુખ્ય હેતુ રમતગમતને માત્ર મેડલ કે રમતગમતના મેદાન સુધી મર્યાદિત ન રાખતા, તેને યુવા નેતૃત્વ, સામાજિક જવાબદારી અને ‘વિકસિત ભારત 2047’ ના રાષ્ટ્રીય સંકલ્પ સાથે સાંકળવાનો છે.

નવી દિલ્હી: રાષ્ટ્રીય રમતગમત દિવસ 2026 ની પૂર્વસંધ્યાએ દેશના યુવાધન માટે એક મહત્વપૂર્ણ કાર્યક્રમનું આયોજન કરવામાં આવ્યું છે. વડાપ્રધાન શ્રી નરેન્દ્ર મોદી ગુરુવારે સવારે 11:00 વાગ્યે વીડિયો કોન્ફરન્સિંગના માધ્યમથી રાષ્ટ્રવ્યાપી ‘ખેલો ઇન્ડિયા સંવાદ’ (ખેલ કી બાત, પ્રધાનમંત્રી મોદી કે સાથ) નો પ્રારંભ કરાવશે. ‘મેરા યુવા ભારત’ (MY Bharat) મંચ દ્વારા સંચાલિત આ વિશેષ પહેલનો મુખ્ય હેતુ રમતગમતને માત્ર મેડલ કે રમતગમતના મેદાન સુધી મર્યાદિત ન રાખતા, તેને યુવા નેતૃત્વ, સામાજિક જવાબદારી અને ‘વિકસિત ભારત 2047’ ના રાષ્ટ્રીય સંકલ્પ સાથે સાંકળવાનો છે.

‘યુવા સંવાદ’ના 5 મુખ્ય સ્તંભો (Themes):

• સ્પોર્ટ્સ ઇકોસિસ્ટમનું મજબૂતીકરણ: દેશના ખૂણે-ખૂણે રમતગમત માટે આધુનિક ઇન્ફ્રાસ્ટ્રક્ચર, વિશ્વસ્તરીય કોચિંગ અને 'સ્પોર્ટ્સ સાયન્સ'નો વ્યાપ વધારવા પર વિશેષ ભાર મૂકવામાં આવશે.

• ઓલિમ્પિક 2036 લક્ષ્યાંક: ભારત દ્વારા 2036 ઓલિમ્પિક્સની યજમાની માટે કરાઈ રહેલી દાવેદારીના ભાગરૂપે વૈજ્ઞાનિક પદ્ધતિથી નવી પ્રતિભાઓની શોધ (Talent Identification) અને પારદર્શક પસંદગી પ્રક્રિયા દ્વારા વૈશ્વિક ચેમ્પિયન્સ તૈયાર કરવાની યોજના પર મંથન થશે.

• યુવા નેતૃત્વ અને ગુડ ગવર્નન્સ: 'MY Bharat' પોર્ટલ મારફતે યુવાનોમાં સ્વયંસેવા (Volunteering) ની ભાવના કેળવી તેમને શાસન અને સામાજિક ક્ષેત્રોમાં નેતૃત્વ પૂરું પાડવા સક્ષમ બનાવાશે.

• વિકસિત ભારત 2047 માં ભાગીદારી: નાગરિક ફરજોની આત્મસાતતા, ભવિષ્યલક્ષી કૌશલ્ય (Future Skills) નો વિકાસ અને રાષ્ટ્ર નિર્માણ માટે સંગઠિત યુવા શક્તિનો ઉપયોગ કરવાનો રોડમેપ તૈયાર કરાશે.

• ‘નશા મુક્ત યુવા’ અભિયાન: યુવાનોને નશા અને વ્યસનની બદીથી દૂર રાખવા માટે રમતગમત અને સાથી જૂથોના સકારાત્મક પ્રભાવને એક શક્તિશાળી શસ્ત્ર તરીકે ઉપયોગમાં લેવાશે.

જમીની સ્તરે વ્યાપક ભાગીદારી અને જન ભાગીદારી:

આ કાર્યક્રમ માત્ર ઔપચારિક ભાષણ પૂરતો સીમિત નહીં રહે પરંતુ દરેક રાજ્ય અને કેન્દ્રશાસિત પ્રદેશના પ્રત્યેક જિલ્લામાંથી 2-2 કોલેજોના વિદ્યાર્થીઓ સીધા વર્ચ્યુઅલી જોડાશે. વડાપ્રધાનશ્રીના સંબોધન બાદ સ્થાનિક સ્તરે યુવાનોને ભારતના આંતરરાષ્ટ્રીય મેડલ વિજેતા એથ્લેટ્સ, સ્થાનિક ખેલાડીઓ અને લોકપ્રતિનિધિઓ સાથે રૂબરૂ વિચાર-વિમર્શ કરવાની તક મળશે.

નોંધનીય છે કે 2 ઓગસ્ટથી શરૂ થયેલા વડાપ્રધાનના 100-સપ્તાહના રાષ્ટ્રવ્યાપી અભિયાનના ભાગરૂપે દર સપ્તાહ વિવિધ જન ભાગીદારી પ્રવૃત્તિઓ યોજાઈ રહી છે. આ ‘ખેલો ઇન્ડિયા સંવાદ’ ભારતને એક સક્ષમ, ફિટ, શિસ્તબદ્ધ અને રમતગમત ક્ષેત્રે વૈશ્વિક મહાસત્તા બનાવવા તરફનું એક નિર્ણાયક કદમ સાબિત થશે.