PM મોદી 27થી 29 જૂન સુધી સેશેલ્સના પ્રવાસે

પ્રધાનમંત્રી નરેન્દ્ર મોદી આગામી 27 થી 29 જૂન સુધી સેશેલ્સની મુલાકાતે જશે.. તેઓ સેશેલ્સના રાષ્ટ્રીય દિવસના સુવર્ણ જયંતી સમારોહમાં ખાસ મહેમાન તરીકે ઉપસ્થિત રહેશે. ભારતના પ્રધાનમંત્રીની આ મુલાકાત લગભગ 11 વર્ષ બાદ થઈ રહી છે, કારણ કે તેમણે છેલ્લે 2015માં સેશેલ્સની મુલાકાત લીધી.

સેશેલ્સના રાષ્ટ્રપતિ વેવેલ રામકલાવન તેમની આ મુલાકાત દરમિયાન પીએમ મોદીનું સ્વાગત કરશે. વિદેશ મંત્રાલયના જણાવ્યા મુજબ, ભારતીય રક્ષા દળોની એક ટુકડી અને ભારતીય નૌસેનાના બે જહાજો પણ આ સમારોહમાં ભાગ લેવા માટે જશે.

આ મુલાકાત દરમિયાન, પ્રધાનમંત્રી સેશેલ્સના રાષ્ટ્રપતિ ડૉ. પેટ્રિક હર્મિની સાથે વાતચીત કરશે અને દ્વિપક્ષીય સહયોગના તમામ પાસાઓની સમીક્ષા કરશે. બંને નેતાઓ પરસ્પર હિતના પ્રાદેશિક અને આંતરરાષ્ટ્રીય મુદ્દાઓ પર પણ ચર્ચા કરશે. સાથે જ, પ્રધાનમંત્રી સેશેલ્સની રાષ્ટ્રીય સભાને પણ સંબોધિત કરશે અને ભારતીય ડાયસ્પોરાના સભ્યો સાથે વાતચીત કરશે.

વિદેશ મંત્રાલયે જણાવ્યું છે કે સેશેલ્સ ભારતનો મહત્વપૂર્ણ સમુદ્રી ભાગીદાર દેશ છે. હિંદ મહાસાગર ક્ષેત્રમાં સેશેલ્સની વ્યૂહાત્મક ભૂમિકા ભારતના 'વિઝન મહાસાગર' અને ગ્લોબલ સાઉથ સાથેના સહયોગમાં મહત્વ ધરાવે છે. આ પહેલા ફેબ્રુઆરીમાં સેશેલ્સના રાષ્ટ્રપતિ ભારતની મુલાકાતે આવ્યા હતા, જેમાં બંને દેશોએ વેપાર, સુરક્ષા અને વિકાસ ક્ષેત્રે સહકાર વધારવા પર ભાર મૂક્યો હતો. આ મુલાકાતથી ભારત-સેશેલ્સ સંબંધોને વધુ મજબૂતી મળશે તેવી અપેક્ષા વ્યક્ત કરવામાં આવી રહી છે.