RJD ધારાસભ્ય આલોક મહેતાના પરિસરમાં EDના દરોડા

બિહાર સરકારના ભૂતપૂર્વ મંત્રી અને આરજેડી ધારાસભ્ય આલોક મહેતાના નિવાસસ્થાને EDની ટીમે દરોડા પાડ્યા હતા. મળતી માહિતી મુજબ, અપ્રમાણસર સંપત્તિના કેસમાં ધારાસભ્ય આલોક મહેતાના પરિસરમાં દરોડા પાડવામાં આવ્યા છે.

એન્ફોર્સમેન્ટ ડિરેક્ટોરેટ (ED)ની ટીમ RJD ધારાસભ્ય આલોક કુમાર મહેતાના નિવાસસ્થાને દરોડા પાડી રહી છે. મળતી માહિતી મુજબ, ED ટીમ મની લોન્ડરિંગ કેસમાં નેતા સાથે જોડાયેલા એક ડઝનથી વધુ સ્થળોએ કાર્યવાહી કરી.  EDની કાર્યવાહીને ધ્યાનમાં રાખીને, ધારાસભ્યના નિવાસસ્થાનની બહાર પણ કડક સુરક્ષા વ્યવસ્થા કરવામાં આવી છે. 

તેઓ બિહારની ઉજિયારપુર વિધાનસભા બેઠકના આરજેડી ધારાસભ્ય છે અને મહાગઠબંધન સરકારમાં જમીન મહેસૂલ અને શિક્ષણ મંત્રી પણ રહી ચૂક્યા છે. આલોક મહેતા 2004માં ઉજીયારપુર લોકસભા મતવિસ્તારમાંથી સાંસદ તરીકે ચૂંટાયા હતા.  આલોક મહેતાના પિતા તુલસી પ્રસાદ મહેતા પણ લાલુ સરકારમાં મંત્રી હતા. બિહારમાં જ્યારે પણ મહાગઠબંધનની સરકાર બની ત્યારે આલોક મહેતાને મંત્રી બનાવવામાં આવ્યા.