ચક્રવાત 'દિત્વાહ'નો ખતરો વધ્યો, તમિલનાડુ-પુડુચેરી માં ભારે વરસાદની ચેતવણી

ભારતીય હવામાન વિભાગ (IMD) એ શુક્રવારે ચેતવણી જાહેર કરતાં જણાવ્યું છે કે ચક્રવાતી તોફાન 'દિત્વાહ' (Ditwah) શ્રીલંકાના દરિયાકાંઠાના વિસ્તાર અને દક્ષિણ-પશ્ચિમ બંગાળની ખાડી પર સક્રિય છે. છેલ્લા 6 કલાકમાં આ વાવાઝોડું 10 કિમી પ્રતિ કલાકની ઝડપે ઉત્તર અને ઉત્તર-પશ્ચિમ દિશામાં આગળ વધ્યું છે.

ભારતીય હવામાન વિભાગ (IMD) એ શુક્રવારે ચેતવણી જાહેર કરતાં જણાવ્યું છે કે ચક્રવાતી તોફાન 'દિત્વાહ' (Ditwah) શ્રીલંકાના દરિયાકાંઠાના વિસ્તાર અને દક્ષિણ-પશ્ચિમ બંગાળની ખાડી પર સક્રિય છે. છેલ્લા 6 કલાકમાં આ વાવાઝોડું 10 કિમી પ્રતિ કલાકની ઝડપે ઉત્તર અને ઉત્તર-પશ્ચિમ દિશામાં આગળ વધ્યું છે.

તોફાનનું કેન્દ્ર શ્રીલંકામાં ત્રિંકોમાલીથી 50 કિમી દક્ષિણ, બેટીકલોઆથી 70 કિમી ઉત્તર-પશ્ચિમ અને હમ્બનટોટાથી 220 કિમી ઉત્તરમાં સ્થિત હતું. જ્યારે ભારતમાં તે પુડુચેરીથી 460 કિમી દક્ષિણ-પૂર્વ અને ચેન્નઈથી 560 કિમી દક્ષિણ-પૂર્વમાં સ્થિત હતું.

હવામાન વિભાગે જણાવ્યું કે આ વાવાઝોડું ઝડપથી આગળ વધી રહ્યું છે અને 30 નવેમ્બરની સવાર સુધીમાં ઉત્તરીય તમિલનાડુ, પુડુચેરી અને દક્ષિણ આંધ્ર પ્રદેશના દરિયાકાંઠાના વિસ્તારો નજીક બંગાળની ખાડીમાં પહોંચી જશે. IMD એ ઘણા રાજ્યો માટે વરસાદ અને જોરદાર પવનના જોખમની ચેતવણી આપી છે:

વરસાદ અને પવનની આગાહી:
તમિલનાડુ અને પુડુચેરી: શુક્રવાર અને શનિવારના રોજ ભારેથી અતિભારે વરસાદ (Heavy to Very Heavy Rainfall) થવાની સંભાવના છે, જ્યારે કેટલાક સ્થળોએ 20 સેમીથી વધુ વરસાદ પડી શકે છે. 30 નવેમ્બરના રોજ વરસાદ થોડો ઓછો થવાની ધારણા છે, પરંતુ છૂટાછવાયા સ્થળોએ ભારે વરસાદ ચાલુ રહી શકે છે.

દક્ષિણ દરિયાકાંઠાનો આંધ્ર પ્રદેશ અને રાયલસીમા: શુક્રવારથી વરસાદની શરૂઆત થઈ શકે છે. અહીં 29 થી 30 નવેમ્બર દરમિયાન ભારે વરસાદ અને 1 થી 2 ડિસેમ્બરના રોજ પણ ભારે વરસાદ ચાલુ રહેવાની શક્યતા છે.

કેરળ અને લક્ષદ્વીપ ક્ષેત્ર: અહીં પણ ભારે વરસાદની સંભાવના છે.

તેલંગાણા: 30 નવેમ્બર અને 1 ડિસેમ્બરના રોજ ભારે વરસાદની શક્યતા છે.

તોફાનની અસરને કારણે વિવિધ દરિયાકાંઠાના વિસ્તારોમાં 60-100 કિમી પ્રતિ કલાકની ઝડપે પવન ફૂંકાઈ શકે છે. દક્ષિણ તમિલનાડુ, પુડુચેરી, શ્રીલંકા અને દક્ષિણ આંધ્રના કિનારે ગેઇલ-ફોર્સ પવનો (Gale-Force Winds) ચાલશે.
સલામતીની સૂચનાઓ:
IMD એ 1 ડિસેમ્બર સુધી સમુદ્રમાં માછીમારી પર સંપૂર્ણ પ્રતિબંધ મૂક્યો છે. જે બોટ પહેલેથી જ સમુદ્રમાં છે, તેમને તાત્કાલિક સુરક્ષિત સ્થળો તરફ જવાની સલાહ આપવામાં આવી છે. લોકોને પોતાના ઘરોમાં સુરક્ષિત રહેવાની પણ સલાહ આપવામાં આવી છે.