ભારતીય મહિલા કબડ્ડીની ટીમે સતત બીજી વખત વર્લ્ડ કપ જીત્યો

ભારતીય મહિલા કબડ્ડી ટીમે ઢાકામાં મહિલા કબડ્ડી વર્લ્ડ કપની ફાઈનલમાં ચાઈનીઝ તાઈપેઈને 35-28 થી હરાવીને વર્લ્ડ કપ જીત્યો. આ ભારતનો સતત બીજો વર્લ્ડ કપ છે.

ભારતીય મહિલા કબડ્ડી ટીમે તેમના તમામ ગ્રુપ મેચ જીતીને સેમિફાઇનલમાં પ્રવેશ કર્યો, જ્યાં તેમણે ઈરાનને 33-21 થી હરાવ્યું. ચાઈનીઝ તાઈપેઈ પણ તેમના ગ્રુપમાં અજેય રહી, સેમિફાઈનલમાં યજમાન બાંગ્લાદેશને 25-18થી હરાવ્યું.

કુલ 11 દેશોએ ટુર્નામેન્ટમાં ભાગ લીધો હતો. ભારતીય મહિલા ટીમે ચાર મેચ જીતીને આઠ પોઈન્ટ સાથે ગ્રુપ Aમાં ટોચનું સ્થાન મેળવ્યું. યજમાન બાંગ્લાદેશ 3 જીતમાંથી 6 પોઈન્ટ સાથે બીજા સ્થાને રહી હતી. થાઈલેન્ડ, યુગાન્ડા અને જર્મની ગ્રુપ Aમાં રહી. 

ચાઈનીઝ તાઈપેઈ 50 જીતમાંથી 10 પોઈન્ટ સાથે ગ્રુપ Bમાં ટોચ પર રહી હતી. ઈરાન 4 જીત અને એક હારમાંથી 8 પોઈન્ટ સાથે બીજા સ્થાને રહી હતી. ગ્રુપ Bમાં નેપાળ, પોલેન્ડ, કેન્યા અને ઝાંઝીબાર અન્ય ટીમો હતી. ટોચની બે ટીમો નોકઆઉટ રાઉન્ડમાં આગળ વધી જેમાં ભારતે ઈરાનને હરાવ્યું અને ચાઈનીઝ તાઈપેઈએ યજમાન બાંગ્લાદેશને હરાવ્યું હતું.