સ્વિસ ઓપન 2026: આજથી બાસેલમાં બેડમિન્ટનનો જંગ

સ્વિસ ઓપન 2026: આજથી બાસેલમાં બેડમિન્ટનનો જંગ, સાત્વિક-ચિરાગ અને પ્રણોય પર ભારતની આશા

આજથી (10 માર્ચ, 2026) સ્વિટ્ઝર્લૅન્ડના બાસેલ ખાતે પ્રતિષ્ઠિત સ્વિસ ઓપન બેડમિન્ટન ટુર્નામેન્ટનો પ્રારંભ થઈ રહ્યો છે. આ ટુર્નામેન્ટ 15 માર્ચ સુધી સેન્ટ જેકોબશાલે સ્ટેડિયમમાં રમાશે.

પુરુષોની ડબલ્સમાં વિશ્વની ટોચની જોડી સાત્વિક સાઈરાજ રેંકીરેડ્ડી અને ચિરાગ શેટ્ટી ભારતનું નેતૃત્વ કરશે. તેઓ ગત સપ્તાહના ઓલ ઈંગ્લેન્ડ ઓપનના વહેલા એક્ઝિટ બાદ અહીં વાપસી કરવા માટે આતુર છે. મેન્સ સિંગલ્સમાં અનુભવી એચએસ પ્રણોય અને કિદામ્બી શ્રીકાંત ભારતીય પડકાર રજૂ કરશે.

ઓલિમ્પિક મેડલ વિજેતા પીવી સિંધુ અને ઓલ ઈંગ્લેન્ડ ઓપનના રનર-અપ લક્ષ્ય સેન આ ટુર્નામેન્ટમાં ભાગ લઈ રહ્યા નથી. લક્ષ્ય સેને થાકને કારણે આ વખતે આરામ લેવાનું નક્કી કર્યું છે.

મહિલા ડબલ્સમાં, ત્રિશા જોલી અને ગાયત્રી ગોપીચંદ એકમાત્ર ભારતીય જોડી હશે. આજે વુમન્સ ડબલ્સમાં રાતે 10 વાગ્યા પછી જી ગોપીચંદ અને ટી જોલી મેદાનમાં ઉતરશે.