ભારત અને નેપાળ વચ્ચે ડિજિટલ પેમેન્ટ સેવા શરૂ, ફોન-પે અને UPI દ્વારા આર્થિક કારોબાર થશે

ભારતીય નાગરિકો નેપાળમાં UPI સહિત તમામ પ્રકારના ઈ-વોલેટ દ્વારા વ્યવહાર કરી શકે છે.

ભારત અને નેપાળ વચ્ચે ડિજિટલ પેમેન્ટ સેવા શરૂ થઈ ગઈ છે. નેપાળના નાગરિકો હવે UPI દ્વારા ભારતમાં તમામ ઈ-વોલેટ સેવાઓનો ઉપયોગ કરી શકશે. ભારતીય નાગરિકો નેપાળમાં UPI, BHIM, Phone Pay, Google Pay સહિત તમામ પ્રકારના ઈ-વોલેટ દ્વારા વ્યવહાર કરી શકે છે. નેપાળ અને ભારત વચ્ચેના કરાર હેઠળ ભારતમાં આયોજિત ગ્લોબલ ફિનટેક ફેસ્ટમાં QR કોડ દ્વારા ડિજિટલ બિઝનેસ શરૂ કરવામાં આવ્યો હતો. નેપાળ રાષ્ટ્ર બેંકના ગવર્નરે આ સેવાનું ઉદ્ઘાટન કર્યું હતું. આ સમારોહમાં નેપાળના PhonePe અને ભારતીય તરફથી UPI વચ્ચે ડિજિટલ વ્યવહારોની શરૂઆત થઈ.

નેપાળના પ્રધાનમંત્રીની ભારત મુલાકાત દરમિયાન બંને દેશો વચ્ચે ડીજીટલ માધ્યમથી ટ્રાન્ઝેક્શનનો કારોબાર શરૂ કરવા માટે એક કરાર પર હસ્તાક્ષર કરવામાં આવ્યા હતા. તેની શરૂઆત પણ ગુરુવારથી થઈ ગઈ છે. હવે ભારતીય પ્રવાસીઓ, નેપાળની મુલાકાતે આવતા ઉદ્યોગપતિઓ સહિત તમામ પ્રકારના નાગરિકો માટે નેપાળમાં વેપાર કરવાનું સરળ બનશે. ભારતીય નાગરિકો હવે UPI દ્વારા તેમના બેંક ખાતામાંથી સીધા કોઈપણ ઈ-વોલેટ દ્વારા ચૂકવણી કરી શકે છે.